ترى حياة الفتى مهما قوى باسه

محفوفة بالخطر والموت تابعها

من مبتدى العمر حتى يلفظ أنفاسه

يمر في مرحلة تكثر زوابعها

أول حياة الفتى تدريب ودراسة

تكثر ظروف الحياة وينشغل معها

وثاني حياة الفتى مشوار وعساسه

مسيرة في عجاج الوقت يقطعها

وآخر حياة الفتى يرجع على ساسه

النقطة اللي بدل منها يراجعها

يرجع لسن الهرم ويضيع الطاسه

ويمشي مع الأرض ويخطط شوارعها

وإلا تلاقت متونه وارتخى راسه

ضاعت جميع العلوم اللي مجمعها

رشيد الزلامي

انته بخير وكل من حولك بخير ..
وش عاد تبغى فوقها من سعادة ؟

أترك على ربّ العباد .. التدابير
وأنظر لحال المغـترب عن بلاده

في مرحلة كم غربلتك المقادير
وشفت الزمن قاسي معك بنتقاده

ما دام زانت لا تزيد " التفاكير "
و تذكّر .. الحظّ العنيد .. بعناده !!

بكره تقوم حظوظنا يا صابرين
‏وباب الامل يمسي ويصبح علينا

احبس دموعي حبيبي من غلاك
انت دمعة خايف ابكيك وتطيح