'




انا لية التفت للناس وعيونك جماهيري
هلا بك من قدمك لغرتك لشعرك المنثور

على الفايت بكيت و ما بكيت الا على اللي فات :
‏على اللي روحو .. و ( بيوتهم) ظلّت مثل ماهي !

‏على وقتٍ مخابي صدورنا فيه امتلت ضحكات :
‏و لا اذكر فيه قد بات الحزن في طارف شْفاهي !

‏على كل السنين اللي مضت لكن بقت بـ الذات :
‏بقت جرح اتذكر به … ( قبل لا تقفي بـ جاهي )


،،

صباح النفوس الطاهره والوجيه البيض
صباح السعد في مبتدا اليوم واخرته

هني من عيونه تذرف دموعها وتفيض
من الخوف من خسران دنياه واخرته

،.


أبيات جميلة رقيقة ،،


نامي على كتف الهنا ولا تقومين
يا قطرةٍ من ماطر الغيم هلّت

كلمة أحبك ، خربوها المحبين !
اللّي على احساس الخلايق تسلّت

واخاف لا من قلتها لك ، تحسين
إنّي أرواغ في الغلا واتفلّت

لا والذي منعم على قلبي الدّين
وعداد حجّاج على البيت صلّت

وعداد نبضاتي وماترمش العين
إنّي أحبك ، والمحبة تولّت

عرش الحنايا مثل مانتي تشوفين
واستوطنت في داخلي واسفهلّت

حتى قلادة شعري اللّي من سنين
يوم لبستيها بعنقك ،، تحلّت ..