‏بوجه السنين، وكل روضٍ هجرت وعِلّ
من الصمت، وإنكار المشاوير، والبورة

وش العمر لولا ضحكة إخّ ومحاتى خِلّ؟
مثل : وردةٍ ـــ مِدّت على كفّ مبتورة

أمانه يخيف، وحرَّ شمسه ما عنْها فَلّ
ولو تطرَق أبوابه من النود .. مهجورة

على طرفك النايم، وش مْن الحياة آشلّ؟
وأنا غيبتي غيبتْه ـــ وحضوري حْضوره

تمرَّد، وأحبّك من سنين الترَف للقِلّ
قبل تدري، وقلبك يعبّر عن شْعوره

ولو ينكسر لي فوق حيَط إنتظارك ظِلّ؛
أنا وقفتي هيّ هيّ، ولا هي بـ مكسورة

يثنّيك عودٍ .. من كفوف إهتمامي بِلّ
يسرّك، وأنا سنيني بضحكتْك مسرورة

تسلَّا ـــ ولا لي في ثرىً منت فوقه حِلّ
لو أبقى على رمضاي، عندي ولا زْهوره

وأنا يوم جيتك بالكلام أهتديّ، وآضِلّ؟
كبيرٍ يشوف أغلا عياله ـــ كسَر شوره

أشوف الصراحة حبّ، وتشوف فيها غِلّ
من يْعاشر العريان .. شاف السِتر عورة

ما هي تثبت الأيام في دِقّ، ولَّا جِلّ
لأن للنوايا خاتمة ــ والعمر دوَرة

بتحيِيِك [صورة] لا أنكسرت لْحنينك ذِلّ
وبيدور بك عمرك ـــ وتقتلك هالصورة

للجميل صالح بن حمد