هدا الليل وتظاهر لي ورا عوج الضلوع هموم

تعالى صوتها حتى غدت شيً يحاكيني

الا من وين مالقّيت اغني او اعد نجوم

تجاذبني لحزنً ما يضم الدمع في عيني

وانا اللي كل ما وايقت في صدري لقيت رسوم

منازل من منازلهم تذكرني و تثنيني

الم الجرح عن شرهة صديق وعن خطاة اللوم

عرفت ان العرب ماهي على همي تواسيني

مسافات الهوى طالت وانا ماعاد يمديني

الا ياليت لو كل الزمان اللي حييت حلوم

صحيت وقلت يا دروبً من الغالين مريني

ولكن مر واقعنا وحنا له نسوم هدوم

ابي استر خطا الدنيا وهي تبغى تعريني

تأنبني تقصص كل طيرً فالضلوع يحوم

ولو عنها زبنت الليل ما والله تخليني

اثر بعض الضجيج علاج قلب الصابر المكلوم

واثر بعض السهر همً يعربد في شراييني

ينبث في زوايا النفس غصّه او حزين علوم

خطا من قال لي ان السهر يمكن يسريني