الصبر سجن الرجاء .. وسلومي قيـود = واخاف .. لا أجني من الصمت / الندامه
ساكت وصابر .. واشوف الوضع مشدود = ما ودي .. اجرح بأحاسيسـي صيامـه
من محجر الشّح .. طاحت دمعة الجـود = حتى غشت وجـه الايـام .. الملامـه
بالضبط .. ما كنّهـا الا دمعـة العـود = عود ٍ .. من عيالـه يشـوف انهزامـه
كم واحد ٍ لو حضـر ماهـوب موجـود = ندرك وجـوده .. ليـا اوحينـا كلامـه
وانا احسب ان الغياب سهـود ومهـود = لو كنت .. اميّز حلالـه مـن حرامـه
ويوم افترقنا الضحى يـا أعـز مفقـود = حسيت بالكون .. يـوم اسـدل ظلامـه
برّي .. وبحري .. ونسمة بـارد النـود = وسماي فاقـدك .. غمامـه / غمامـه
سحاب ..لكن بـدون بـروق ورعـود = عجزت اواسيـه حتـى ب.. أبتسامـه
والونّه .. اللي تغيـب شهـور وتعـود = صرت اتمنـى لهـا .. طيـب الاقامـه
جاء للمشاعر ما جاء لأصحاب الاخدود = شكراً ل.. ظلمك على حسـن اهتمامـه
اللوم .. شيـخ ٍ وراه جروحـي وفـود = ان مـدّ يمنـاه .. ( عـزالله مقامـه )
ووفاي .. مثل الشجر واوراقـه عهـود = حطّي على غصـن شوقـي ياحمامـه
ارجي وسلك الحريـر .. يقودنـي قـود = قـود الزعيـم ل.. مقاليـد الزعامـه
لو ان حيلي من اللـي شلـت مهـدود = ما اطيق ازيد الحمل .. ريشـة نعامـه
ان كان هذا الامـل ماجـاب مـردود ! = قامـت علـى راس عاشقـك القيامـه
يخسر تعب ه.. السنين وكـل مجهـود = وتأخذه عن راحـة البـال / الشهامـه
من عاش سكرّة كلام عيونـك السـود = اصبح مـن العالـم اصحـاب الفخامـه
كنّه ملك والعـرب مـن حولـه جنـود = ب.. عذره ان عاش جـوّه وانسجامـه
غيرك لو انـه فـرش فدروبـي وروود = وفرض .. قبـل مقدريتْـه / احترامـه
اقـول لـه .. ماعلـى مشاعـرك زود = لكّن .. خلـك علـى فـراش الكرامـه
اما انت .. والا بلاش معاشـر الخـود = ماني .. مبدّل شـدادي ب.. المسامـه
مواصلك .. لا ذكرته يا أطـرق العـود = اقول :- ( يا جعل ل.. الجنه عظامـه )
سافرت مانت ب.. على سفرتك محـدود = متـى علـى الله .. ترجـع بالسلامـه