اليوم كمان حصلت ع الموافقة من الجهات العليا
لشراء دراجة هوائية لي
اتسلى فيها مع الكتاكيت
تم الشرط بدون دعامات
والله مدري
احس لازم احسن الظن
بس اعرف نفسي
لو سقطت منه بتدحرج لآخر الحي

قبل كم يوم شريت الوان ودفاتر رسم جديدة
للكتاكيت
دندونة ترسم من جهة
وانا من جهة
سألني سليمان ذي عين مين
قلت له مدري
رسمتها من خيالي




حطيت اسمي لحد يسرقها " دافنشي مسك " احم

قالي يمة طيب ارسمي عيني انا
وانا لما حد يقولي ارسمي ذي الرسمة او الملامح
يدي تهتز والقلم يفرقع والحالة حالة
تمام ي ولدي بس لا تلوم الأ نفسك



وطلعت الخنفساء
استحيت اكتب اسمي
هذي الي يبيها يسرقها حلال زلال

متمردات مسك
انشغلت كم ساعة قاموا ع الشاي تبعي
اسمعي انتي وياها
لا تخلوني اسوي قهوة بالملح
واخلي صورها تنتسخ من رأس المنتدى لرجوله
ولا نسيتوا خلطة عطر الندى الي ما افصحت عنها للآن

اليوم الصباح
ومستعجلة وهاه واعمال وكذا
وسويت فطور ثقيل اليوم عشان ضيوفي رايحين الحرم
وهنا وهناك والكتاكيت مطعفرين بكل مكان
ما اشوفهم حتى
وذاك نسي كذا
وتلك عباتها
وهذا جزمته
وذا وين حقته المدري ايش
والخ
بعد ما راحوا تنفست أخيرا
لكن في شي حارقني
قلبي قارصني
انا ناسية شي بس مش عارفة ايش هو
يمة كتكوتي وين
دورت هنا وهنا
مافي
لين فتحت باب الحمام الله يكرمكم
وهو داخل ياكل الصابونة

انا كيف نسيته
كيف اختفى من بالي كذا
انا حتى لو لعبت هنا وهناك او انشغلت اخلي
كتكوتي قبال عيني
عين ع الحاجة الي اسويها وعين عليه
لا يمكن انساه
بس ذي المرة اختفى
اختفى مني نهائيا
الشعور مخيف كثير
لما تنسى شي غالي عليك جدا
تدي قلبك عليه وانت مش عارف