باب المودّه … حصرية - منتديات مسك الغلا

**أنا فداهم** · 02-17-23, 06:55 AM

*

*

بعدما طالت بي المده على باب المودّه
امتكتّف واتحرى فتحته ثمٍ دخولي

افتحه حظي ووقف فيه يرقبني لمدّه
كنّه يسوم الغرام اللي بصدري من نحولي

كان يقرى في سكوتي غصّةٍ مرّه وحدّه
حدةٍ خلتني أطلع .في نظر مثله. فضولي

قال:حيّه.. قلت:حيّه.. وابتسمت ومد يدّه
جته يدّي مثل طيرٍ مطلقينه من قفولي

يوم قلطني وأنا في مجلسه والوقت أعدّه
تكتكت عقرب ثواني ساعه .. وصبرٍ بطولي

كان للمسباح في راحة يدي روحه و ردّه
وارتعاشة خوف غامض من غموض الوضع حولي

لين جتني بنت .. كن بمشيها قومه وهدّه
وانتهضت وكل خوفي من سحاي..يطيح طولي

وأثرها خجلا حياويّه .. تحسب السّين شدّه
قلت يالبيه يا( عاد اسمها .. لأ .. إسمحولي) !

صالحتني مع هناي ورجعتني للمخدّه
وأثقلت متن الخفوق بحبها وإلتاع قولي

من غلاها صار قلبي يعلن إن هالشي ضدّه
لا غدى هالشي شيٍ غيرها .. لو كان زولي

حبها توه صغير والبلا لاعاش مدّه..
وين أشيله وهو واصل لين راسي من رجولي؟

شكلها لا طالت المدّه وأنا في هالمودّه
بأتكتّف عند باب قليبها وأنطر دخولي !

*

*

**الْياسَمِينْ** · 02-17-23, 12:47 PM

طلبتك :
تكتف عند باب قليبها
واجبر بخاطرها ولا تكسر فيها

إحترافية المزج بين الخيال والمشاهد التصويرية ..
بطريقة سلسة جعلتني أعيش تلك الأجواء المبهجة .
كل المودة والتقدير

**أمل.** · 02-17-23, 12:54 PM

كان للمسباح في راحة يدي روحه و ردّه
وارتعاشة خوف غامض من غموض الوضع حولي
...
الجميل أنا فداهم
الوصف بالنص بديع
وتوظيف الفكرة
بالابيات رائع
نص جميل واكثر
مرحبا بهكذا عودة

**وارف** · 02-17-23, 03:10 PM

اهلاً بالجميل انا فداهم
واهلاً بهذا الشعور المرهف والحرف المترف
وصح لسانك ماحييت
ابيات في غاية الروعه والجمال بحراً وقافية ومعنى ومبنى
طبت وطاب هطولك الندي ودام مداد حرفك العسجدي

لقلبك قوافل مسك وعنبر

**غَـزل ،** · 02-17-23, 03:32 PM

'

وأثرها خجلا حياويّه .. تحسب السّين شدّه
قلت يالبيه يا( عاد اسمها .. لأ .. إسمحولي) !

إجتمع غيرة شاعرية واحساس شاعر
صح لسانك ..
كل شطر يتباهى بِ روعته

لا هنت

**ام الفهده** · 02-17-23, 04:10 PM

شكلها لا طالت المدّه وأنا في هالمودّه
بأتكتّف عند باب قليبها وأنطر دخولي !

قصيدة جميلة صح لسانك

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض الصوتي للجوال		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات بنت	شات سعودي		شات تعب قلبي	شات حبي
شات الخليج	شات مملكة الحب	شات بنت السعودية		شات السعودية	شات دلع السعودية
شات سعودي كام	شات فلة الخليج