|
إضافة رد |
| LinkBack | أدوات الموضوع | انواع عرض الموضوع |
11-07-23, 07:24 AM | #379 | |||||||||||
|
صباح الخير لكل المتدحرجه اعينهم من هنا.. صباح الخير لكل اطفال الدنيا.. و الهلال فاز ..مبروك فيولا...فيولا اكثر وحده تفهم فالكوره ماشاء الله عليها.. الهلال ذا لو يلعب بعمال الصيانه حقين النادي فاز ماشاء الله تبارك الله.. اقولك فيولا..شرايك نتبادل انا اشجع الهلال عشان يطيح حظه وانتي تشجعين الاهلي يمكن حظه " المعومس" يقوم وتتبدل احواله ...شهر واحد بس عشان اعرف العله فالاهلي والا فيني ههههه ... الاتحاد انجلد جلدا مبرحا ووضعه " مدحدر" من بعد خسارته امام الاهلي ... بالله وش ترجي من نادي اسم مدربه " نونو"..! ...... الياسمين غايبه واذا عرف السبب بطل العجب.. نرجو ان تكون بالف خير وصحه فقدنا سحابه كانت ظل ومطر للمسك... .... غزه مازالت تضرب اناء الليل واطراف النهار ولاحياة لمن تنادي... نكتفي بالدعاء لها بالنصر ولرجالها بالتمكين وعند الله تجتمع الخصوم..! وبس والله رومانس/ الخبر الجميلة | |||||||||||
|
11-07-23, 08:57 PM | #380 | ||||||||||||||||||||
|
والله انك ابرك من ثلاث ارباع محللينا ... ... الاخوه الأعضاء ... اذا احد شاف لي تقييم عنده ..." من يتق الله يجعل له مخرجا".. فأعلمو جيدا انني ابحث عن الأجر اولا وثانيا " متوهق" بتقييم ولازم اقيم شخص لتقييم شخص اخر فأضطررت الي هذه الحيله لكن مع ترك شيء اؤجر عليه بأذن الله.. ..... يقول ابن سيناء.. بلينا بقوم يظنون ان الله لم يهدي سواهم..! في كل وسائل التواصل والنت والحياه لابد وحتما ستجد صنف من البشر يتعامل مع الاخرين وكأنه قد تقمص دور الاله " ونستغفر الله" يعلم ماتخفي الصدور وماكتب فاللوح المحفوظ فتجده يصنف الناس علي هواه ومايراه في نفسه تجاه اي انسان فهذا " داشر" وهذا " ملتزم" وهذا " خبيث" وهذا " طيب" وهذا" مجرم" وليت الأمر ينتهي الي هذا الحد بل تجد " اللقافه ومراقبة الناس والغيبه والنميمه " كلها " بكج" واحد تسري في دمه تزاحم كرياته البيضاء والحمراء وتتنفس معه الاوكسجين فلايأمن قربه ولاصحبته ..! المشكله انهم يتكاثرون كتكاثر الذباب ولاحول ولاقوة الا بالله.. ....... اخر السطر/ الصدر (وكل شيء خلقناه بقدر).. "أعمار أمتي ما بين الستين إلى السبعين وأقلهم من يجوز ذلك".. "معترك المنايا ما بين الستين إلى السبعين" .. حينما تتأمل في ذلك تمنح نفسك مساحة كبيرة من القناعة المتدفقة والمتأصلة بيقين العبد الصادق أن ما تحمله وما تتحمله هي أقدار مكتوبة رزقك وعمرك وحياتك وموتك.. وبس والله رومانس/ الخبر الجميلة | ||||||||||||||||||||
التعديل الأخير تم بواسطة ابووعبدالله ; 11-07-23 الساعة 09:02 PM |
11-08-23, 06:55 PM | #381 | |||||||||||
|
ذكريات... بعض المواقف تتحول الي نحت فرعوني يبقي فالذاكره العمر كله.. والدي رحمة الله عليه كان انسان عصبي جدا وحنون جدا جدا في نفس الوقت..... مشكلته ماله فالنقاش والاخذ والعطا وان الحياه والمشاكل ممكن تحل بالكلام .. في طفولتي كانت المشاكل بينه وبين امي ك اي مشكله بين زوجين.. لكن المصيبه في كل مره اسمع صياحه علي امي تملاني الروعه عليها ...لأني قد شفتها تبكي بسبب شدته معها وجيت وحضنتها وشفت دموعها لأول مره وخنقتني العبره واذكر اني قلت بكره اكبر يمه ومايقدر يبكيك... لما كبرت واشتد عودي وفي عمر ١٦ بدأت خلافاتهم تقل ويهدأ البيت .. وبعدها تحول ابوي من اب الي صديق وصار ياخذني للمجالس والزيارات الرسميه وكل مكان يروح له.. .. وفي مره جلست معاه في ديوانية البيت ..وكنت حاس اني امون عليه حيل.. قلت يبه..تدري انك ماتقدر تمد يدك علي امي لأني كبرت واقدر احميها.. السالفه انتهت وانا باقي في صدري شعور اني لازم اوفي بعهدي لأمي .. ناظر فيني نظره اتوقع ماكملت ثواتي وبعدها صكني بكف يمشي مليون بغا ينثر اسناني كلها لكن الله ستر.. الشاهد من اعلاه.. ١.مشاكل الوالدين امام اطفالهم قد تتحول الي ندبه فالقلب يتناسل معها الوجع مدي الحياه.. ٢.اوفيت بعهدي لأمي.. وبس والله رومانس/ الخبر الجميلة | |||||||||||
|
11-08-23, 11:56 PM | #382 | |||||||||||
|
هناك من ينظر إلى الطين: ماء تلوّث بالتراب. وهناك من يراه: تراباً تطهّر بالماء. أغلب الأشياء في هذه الحياة تحتمل تلك النظرتين..! الفيلسوف السعودي/ محمد الرطيان/ حفر الباطن | |||||||||||
|
11-09-23, 09:18 AM | #383 | |||||||||||
| | |||||||||||
|
11-09-23, 06:33 PM | #384 | |||||||||||
|
ذكريات ... اول حب في حياتي كانت " سماح" ... انا مقدر اسميه حب بقدر ماهو "صدمه حضاريه"..! لك ان تتخيل عزيزي القاريء طفل " بدوي" مازالت ابل ابوه وجده ترعي في نفود صدره لايعرف من العطور ازكي من ريح السمر والنفل يلبس شماغ اطول منه وعقال اكبر من راسه يجد نفسه وبلا مقدمات " ساكن"في احد ارقي احياء الخبر ..! نعود لسماح.. سماح من ام عراقيه واب " قصيمي" تبلغ من العمر عشرة اعوام فيها من الحسن والقوام الممشوق مالله عليم به.. كما ان عيونها " خضراء" وشعرها اشقر اما طولها ففارع مقارنه بعمرها... اذا مشت تشعر ان حضارة بابل ونبوخذنصر والحدائق المعلقه والاهرامات وكل المعجزات تمشي علي قدمان بكل زهو وعنفوان اعتي امبراطوريات الارض. ! لك ان تتخيل ايضا هذه الثروة الانسانيه امام طفل كان قبل ايام يرعي ابل ابوه من مطلع الشمس وحتي المغيب يقضي وقته مستمتعا معها وهي ترعي من الرمثه وهو في ذراها ...! لك ان تتخيل ايضا وايضا انني اذا لعبت كوره مع عيال الحاره وشفتها طالعه من البيت سحبت نفسي من اخوياي واسدلت ثوبي بعد ماكنت رافعه وحاطه جوه سروالي ولبست نعولي وابتعدت عنهم حتي اميز نفسي و يعنني مختلف وتسذا فأنا الوحيد اللي منظره مقبول في تلك اللحظه ويستطيع التركيز والصمود امام سماح امام هذه الواحده ولم تكن في عيني واحده بل عربه محمله بألف بنت مما يعدون ..! مره من المرات دخل الحاره " وايت مويه"ومن عبث الاطفال رفعت ثوبي وعضيته بسناني ولحقته ركض علي بالي لحالي وسمعت اجمل صوت واغزل عباره من سماح مازال صداها يتردد في روحي " يازين ركضك" .... هو طبعا استحيت وانضرب اوم البرستيج لكن الأهم سماح راضيه علي وبس والله رومانس/ الخبر الجميلة | |||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||