وإمتداد للتدوينة السابقة
كيف لـ اصحاب المظاهر ان يفردو
مكانتهم الواهية التي لاتتجاوز
الكم...
لـ يحصلو ع إلتفاتات المغفلين
والغارقين في زيف المادة وما تصنعه
نحن نعيش وقت القيمة بالعملة
بعيداً عن المصدر
المهم الكم لتنال المكانه
حتى لو انك ماتسوى
لقد ضخم العالم الافتراضي التفاهة
وجعلها مضحكة ومربحة
زد على ذلك إذا كانت مرفقه
بـ إبتذال..
ماعاد في شيء يصيبنا بالدهشة
الا شوفة البعيد عن الفلاشات
والانا الافترضية ومايتبعها
من وهم وسخافة
بموضوع eve
اللي حكت فيه عن الهواتف والاطفال
ياشيخة اصغر طفل بالعيلة
موبايله احدث من اللي عند
امه او ابوه
احس اطفال هالوقت
بلا هوية او هواية
يعانون من كآبه وسمنه
واحسهم مفهين بزياده
كل اللي يهم الأباء
هو الهدوء ومواكبة الفوضى

وانتصف شهر الخير
بلغنا الله وإياكم تمامه بخير وعافية
...
عندي سالفة ودي اكتبها
ومتكيسلة..
خلونا من مشاكل المجتمع
نجمة وبعدين معاااك ياحيوانه
كل ذا زعل وين طولي بالك امل
ولا سهالات بمشاكل غيرنا
وعند مشكلتنا مافي تنازل
اورلينا هي ياحوسة رمضان
ولا انتي من اللي يقاطعون
النت بوقت رمضان
ومقضينها اسواق
عموماً لك وحشة
والله لو تنقطع فيني السبل
ماانزل للسوق بـ رمضان
eve تحدثت عن مفهوم
الحب هل هوه عاده ام محبة
بلادوافع
شوفي طال عمرتس
هنا موضة حب تجتاح هذا العصر
اصبح عادة إذا ماعندك نصف اخر
انت اعرج ولا منعطج
وليت حب على فطرة
تطورت الاحداث..
واصبح الحب مجال تفاخر
خصوصاً إذا صار في إستغلال
مادي او جسدي والضحية سعيد
ان نصفه المعاق مرتاح
نجي للحب بوجهه الحقيقي
ان تحب بدوافع روحية
بلا رغبات هل للحب علاقة
بالتقارب الجسدي نعم وفق التشريع
لكن عندما تقف الدنيا ضدك هنا
انت لاتسعى للبديل او إيذاء الطرف الآخر..
هذا مااعتقده

الشعر سالفة
قالها شخص يملك موهبة
لكن هل يملك مشاعر وشاعرية
هل جمال النصوص نابع من مصداقيتها
ابداً تدرون ان الشعر
العاطفي اجمل نصوصه
بنات خيال الشاعر
المهم ان اؤمن انه من النعم
ان تجد نص يجعلك تلتفت
بكل مافيك
هذا إقتباس
لـ شاعرنا القدير
عتيم
انا لا يمكن اكره: كان تكرهني
من اللي يكره البارق ورعّاده

زرعتك حب في صدري : وتزرعني
مشاريه وعتب بشفاه نقّاده

فـ امان الله لا اكسر فيك واكسرني
ترى الحـب النزيـه إيمـان وعبـاده !
...
اخر شطر ابدااع...
....
نجي للابيات ذي لـ صالح بن حمد
شاعر مميز جداً
‏يا صاحبي ليلي مشاريه وأعذار
وأنا يديني جرد، ويْدينك مْليّ

لا قلت لك باجيك، وسنيني قْصار
أن ما قدرت تقول لي مرحبا؟ عيّ

كم من ورا شبّاك دارك من أسرار
لآخر حدود أيامي المعتمة : ضيَّ

مشتاق لك، والشوق تركيبة أقدار
والناس ما يقدر على أقدارها حيّ

ما أخترت أجي في الشمس والّلاهب الحار
وأنا عيوني شايفه للشجر : فَيّ

أجمل سنيني : وردةٍ فـ إيِد محتار
قطّع ورَقها لأجل يرسي على شيّ

...
وذي للمبدع ماجد النفيعي
واقف ما بين الجروح وبين راعيها
أنظر لعجْز اللغه إنها تواسيني

ما تِزعل الهقوه اللي كنت هاقيها
كثْر الحذر بعدها، لا صار روتيني

يكبر مع النفس خوفٍ في خوافيها
يشعرني إلحاحه؛ إنه أصل تكويني

خلّيت حاجات واجد خاطري فيها؛
من خوفي إنها على غفله تخليني


...
سلام

انا اذا دخلت هالحزة
فهذا يعني
ان راجعة من دوام ومريضة
ومنفسة والا خلاق في الدرك الاسفل
من الابتذال
انا عندي مشكلة
مع الاشخاص اللي تعبانين
مريض الله يشفيك
تجي تسلم ع خلق الله ليه
الله ياخذك
البارحة وحده تعبانه
نصتني بالمكتب مخصوص
تسلم
سدحت الفايروس وانقلعت
اليوم انا بوضع مزري
شنو اعمل فيها
فعلو فكرة المسافات
وتجنب البشر وانتم مرضى
ترا مو كل احد صحته زينه
انا اعيش ع ربع طاقتي
ودي يحطو نفس اللي بالدوريات
ابو الوان يعلقوها ع راس
المريض لضمان نوخر عنه
يجيك حمار يقول كفارة ذنب
زين يالداعية
انا كفرت بما يكفي
وانقلع لكفر بيك

يقول الهويمل صالح
يهبّ النسيم وكل موعد على حلّه
وانا وقفتي تفضح نواياي واسبابي

يا بنت الغمام اللي من النور مبتلّه
اشوفك تحثيّن المقابيل لغيابي

علام اليقين يمر ما ظلني ظلّه ؟
وانا والله ان ملهاب خوفي تمادى بي

فلا كلمة ٍ بيدينها تبري العله
ولا نظرة ٍ ترفى حناياي واعصابي
وانا بتوكل

نحن عائلة تفوز بزواج الأقارب
اختي الكبيرة متزوجة ولد عمتي
عمتي رافعة قضية خلع ع زوجها
الشايب يبي يعرس
الرجال يعيش الفصل الأخير من حياته
عمتي صحياً وظاهرياً ازين منه
بنات عمتي محاكيني اطلب عمتي تهون عن هالقرار
العروس انا اعرفها
هي ماتدري انه زوج عمتي
قايل لهم انها مصابة بجلطه وتتعالج عند عيالها ومحد حوله
بلغت العروس بحالة عمتي وانه نصاب
هذا شيء الشيء الثاني قلت
ياعمة هوشي له بسالفة الخلع
تجيه الضربتين بوقت واحد
العروس مطلقه وعندها عيال
قلت ربي عيالك واخذي العشرين
حلال عليك لانه كذب عليك
وانت ياعمه لاتصالحي
حتى يركد شايب الغفلة
اختي تقول ان فتانة..
اللي يتجاوز يحتاج تأديب
عزيزي الرجل تبي تعرس
بقريح
لكن لا تعيب ع زوجتك
وتطلعها بالنقاهه مايتحرك بيها
غير جفونها
قول ابي اجدد احتاج زوجة
لكن لاتنتقص شريكة حياتك
المهم انا مستانسة ع خراب خطط
ابو خالد والله لو يدري
ان يتوطى ببطني