اليوم مو يومي ابدًا
مو طبيعي التعب كيف تراكم علي
بس اكثر شيء يخوف أمس كان في ضيوف عند الوالدة ولما دخلت اسلم وحدة قالتلي
انتبهي على رجلك واشرت على اليمين ، فقعدت اطالع فيها شفيها ذي؟
واليوم صحيت مو قادره أدعس على رجلي من الالم
ولا في اي كدمه او شيء يدل على اصابة ..
لاتعليق

صباح الخير
كيف حالكم وأحوالكم ؟
ماتوقعت إنكم تحبوني
أنا الحمدلله طيّبة ، لكن ليلة أمس طرحني التعب
ووصل الصداع للقلب
بس الحمدلله على كل حال ، رب ضارة نافعة
النصف الممتلئ من الكوب والجهه الايجابية هي إن نومي تعدل
بعد ماقضيت أيام وأسابيع عشان اعدله ولاتعدل ولا مرّة !
بالعكس كل مرة يصبح أسوأ من قبل ، لكن مع التعب تعدّل
سبحانو
كل شي مقبول ، رضا تام ، قراءة الاذكار مهمّة لازم ماتتركوها .
الحمدلله على العافية …

‏نثريًا: "يستطيع الإنسان أن يحترق، وهو جالس إلى جوارك، دون أن تلحظ"
‏شعريًا: "اللي يشوفك يحسب إنك خلاوي - ما يدري إنك داخلك تقرع الدفّ"

صباح الخير ، مرة ثانية
نوم الليل حلو حتى لو كان ساعة ، صاحية من بدري
واليوم فيه عزيمة ، إن شاء الله تكون خفيفة لطيفة

فيه أمر شاغل بالي من شهرين
ودعواتي في كل الأوقات إنه يتم !
ومع الأسف على كثر الخطط البديلة المتاحة إلا إني ابغا هالشيء بشدّة
أذكر آخر مره رغبت بشيء بنفس القوة هذه ، اكتئبت من أول رفض
لكن بعدها رضيت رضا كأن أحد فتح قلبي وحط ثلج فيه
بس الرغبة هذه ماجات من فراغ والتمسك هذا نهايته رضا و تحقيق أحلام
لـ ذلك يارب سخر لي الخير وارضيني فيه

شكرًا لدعواتكم ، والله يتمم والله يبارك ويحقق