أهدم كل شيء بيدينك ثم تعال وتبكبك
على أساس بأخذك بالأحضان يا إنسان ؟

أهلين
مساء الخير عليكم ، أو صباح الخير
الآن راجعه بعد ماقصرت شعري أكثر
قصيت شعري الشهر هذا ٣ مرات
اول شيء أطراف بس ، امهد للوالدة
بعدين قصيت من قدام شوي عشان مايصير كله طول واحد
واليوم قلت بعدل ماعجبتني سالفه الطبقات هذي
و صار من نص ظهري لرقبتي بالغلط
حتى اللي تقص ماهي مقتنعه بالقص
وانتقلنا من سؤال الفلبينيات لما يسوون لك اظافرك Do you have boyfriend ؟؟
ل سؤال السعوديات المختصات بقص الشعر "احلفي انك مو زعلانه وبتقصين شعرك "
يابنت الحلال قصيه خلينا نتونس
طبعا الوالدة وأخواتي معزومين ، ننتظر رده فعلهم لما يرجعون إن شاء الله
ويكتشفون بأنفسهم
من يوم يومي أحب الشعر القصير
جميل ومريح واقتصادي بعد ، كل المزايا فيه

الحمدلله بعد مليون وصفة برقر فاشلة
قررت إني أطلب برقر من برا
على بالكم ضبط معي؟ يمكن مره من ٥٠ مره
استسلمت خلاص ، هو برقر بالنهاية مره كل شهر مايضر

مساء الخير ، الوالدة ماعلقت على شعري لكن علمت الكرة الأرضية ب اغنية "مخصماك"
وابعد عني انا مش طايئاك
يعني هو شعر ، مرده يطول بالنهاية
؛
انا مادري هي اعراض تسمم والا مآكله شيء عفس معدتي عفس
طبعًا أمي عندها قوات التدخل ، لو ان صايرلك اللي صاير
الحل السريع لبن وكمون ، شفت لو تجي مكسّر وحالتك حالة؟ بتخليك تشرب لبن وكمون
كنت شايلة هم غداء الجمعه مايمديني اكل ومعدتي كذا ، الله والهموم عاد
بس الحمدلله بعد التدخل السريع زانت الحياة وقدرت أكل معاهم
اليوم جمعة ، يعني مافيه شيء لاشغل ولامشغلة
فقط غداء الجمعة ، وقهوة العصرية اللي فوتتها ، وتحميص البن في البيت فقرة أسبوعية
لو ادري مانمت عن قهوه العصرية ونمت عن تحميص البن
ماش فاتتني الخطة هذه لازم اسويها الاسبوع الجاي
جمعتكم طيّبة

البشر ينجذبون عادة لمن يقدم لهم الحب والاهتمام، ولكن بالنسبة للاشخاص الذين تعرضوا للصدمات النفسية، تكون علاقتهم العاطفية أكثر تعقيدًا…

صباح الخير
كل مره أبغا أفضفض تلقائي تتضارب لغتين فالفضفضة
ماعدا العربية ، مع إن العربية أدق للوصف
إلا إني من عرفت نفسي مافضفضت بالعربي
ولا مره ، وموضوع إني اكتب بالعربي العامي يأخذ جهد مني صدقوني وتدقيق إملائي وتعديلات
؛
المهم إن في وحدة كل ماشافتني اضحك قالت الله يعطينا خير الضحك هذا
كل يوم لين صرت أول ما أشوفها أنفس تلقائيًا ، وأعصب بدون سبب
صار وجودها يوّترني .. اليوم فالجلسة وحدة قالت الله يعطينا خير الضحك وذكرتني بها
الله من النكادة ياحبكم للنكادة والدراما وتصعيد الأمور
متقابلين عشان ايش يعني
عاد انا ماحب اقوم من جلسة عشان شخص نكد ف نكدت عليها بكم كلمه لين قامت هي
ماتستاهل الجلسة دامها هي النفس الثقيلة