وتسألني أمه إذا زعلت أو لا وتأبى نفسي إني أقول زعلت
وأخليها تشيل هم العقد "مع إنها ولا مفكرة "
بينما أنا أود أن أتفجر وأتفكك وأكسر الدنيا وأذوّب العالم
وأزعل مع نفسي لنفسي ومايكون لي أي رد فعل طول اليوم و الأيام الجاية
عشان زعلانه مع نفسي ومحد يدري ..
وأرجع بعد فترة وأقول مستحيل أسوي في نفسي كذا مره ثانية
ويصير موقف ونفس رده الفععل تنعاد وهكذا إلى أن تقبض هذه الروح

بني آدم إلا ماينحشر في يوم من الأيام بين اختيارين
كل واحد فيهم أمّر من الثاني .

مساء الأخبار الحلوة
صحبتي ولدت ، يا ربي صارت أكيت أم ما اتحمل
ماشاء الله عليها أكثر إنسانه عاقله وهاديه شفتها في حياتي
أحب رزانتها ، كل مره اتساءل كيف صرنا أصحاب
شتّان مابين شخصيتي وشخصيتها
الله يحفظها لبنتها ويحفظ بنتها لها

يحز في خاطري هذا الكم الهائل من الاستغفال والكذب
كيف سوّلت لك نفسك وتجرأت إنك تكذب بشيء مصيري زي كذا ؟
كيف لو إن قلبي مو دليلي ، كان صرنا في خبر كان
الحمدلله الذي نجّانا بعد سنتين

شبعنا حكي
نبغى أفعااال

أرسلت العقد لمحلات الذهب يتصلح
ماقدرت أروح وأشوفه يتصلح أرسلته مع أختي
نفس لما أختي عطتني بنتها عشان أوديها تتطعم لأن قلبها مايتحمل
هذه أنا مع عقدي