تصبحوا على خير لنا بكره لقاء
قولوا يا رب مهاوي تنام زي العالم

تخيلوا اني نمت ساعه ومدري ايش صحاني
والله ما لحقت انام

مساكم الله بالخير حبايب قلبي
قلت اطل عليكم بعد ما طبخت الغدا وحطيته عالنار
طبخت ملوخية الله يحييكم

يا جماعة في احساس بيجيني احيانا
مدري في احد يحسه زيي سبحان الله
احس كانه احد يكب موية باردة جوايا
وبعدها يجيني شعور غريب مدري هيا
راحة طمأنينة وانا اتبع هادا الشعور بابتسامةً
وعلى طول اول شي اقوله الحمدلله

نصيحة احب اقولها لاخواني واخواتي هنا
داوموا على الاستغفار والدعاء
وربي انا مجربتها حياتي كانت مشاكل
وصبرت عليها وربي الهمني اني استغفر وادعي
الحمدلله دحين احسن بكتير
وفي دعاء قولوه بعد كل صلاة :
(ربنا هب لنا من أزواجنا وذرياتنا قرة أعين واجعلنا للمتقين إماما )
حتشوفوا الفرق ولا تنسوني من دعاكم

اصعب شعور لما يكون جواك كلام ووصل
الين الحلق ههههه متخيلين الوضع
يعني هادا الكلام واجعك وتبغى تطلعه
ومضطر انك تسكت عشان ما تزعل
اللي قدامك يعني عشان تمشي الحياة
هادي الغصة قد ايش توجع
الله يكفيكم شرهاااااا