الله يرحمك يا ستي ويرحم جميع اموات المسلمين
افتكرت زماااان وانا صغيرة كانت ستي الله يرحمها
اتحادية وانا اهلاوية ولما يلعب الاهلي مع الاتحاد
ويفوز الاتحاد يوووووه على اللي يصير
تخيلوا وربي يا انها تحرق قلبي وتغيظني
وانا ابكي وابكي يا الله على هاديك الايام
الله يرحمها ويغفر لها

افتكرت زمان خطبني واحد من اقاربنا <<<< طبعا بعد ما لمحني جنن اهله عشان بخطبوني
وانا يا غافل لك الله ولا ادري عنه
المهم انا اعرف اخوات الولد جاتني اخته تقولي فلان يبغى يتزوجك
وي وي على اللي صار استحيييت تقولي ايش رايك قلتلها مدري
المهم جوو خطبوني وللاسف ما تمت الخطوبه لانه سمعت انه في رضاعه
الولد راضع مع خالتي يعني صار خالي <<< ياحرام انكسر قلبه
المهم بالنهاية انا جاني نصيبي واتزوجت وهو اتزوج بس ما استمر بزواجه
وتخيلوا للان سمعت انه ما اتزوج تعتقدوا انه لسه بحبني
امزح امزح معاكم ربي يحفظه ويسخر له الطيب

نفسيتي محتاجه احد يقولي
ايش اللي في بالك وانا اسويه

صباح الخير وجمعتكم طيبة يارب

تخيلوا انكم تعيشوا مع شخص ساكت ما يحب يتكلم
عايش مع نفسه ولو اتكلمت وناقشته في اي موضوع
قفل عالموضوع ولصالحه طبعا
اخخخخخخ يا وجع القلب

اقولكم على موقف صار لي
افتكر زمان لما كنت صغيرة يمكن عمري ٦ سنوات انا اكبر اخواني
رحنا عمره مع اهلي طبعا اهلي جلسونا على جنب عشان الطواف زحمة
ويبغوا يخلصوا بسرعه راحوا يطوفوا انا خوافه موووت كنت ابكي والصغار ساكتين
وفي وحدة مصريه ربي يجزاها خير كانت كل ما خلصت شوط
جاتنا وتطبطب عليا وتقولي لا تخافي دحين مامتك تجي
المشكله اخواني لما شافوني ابكي صاروا يبكوا معايا
والبنت خلصت الطواف وجات جلست جنبي الين ما جوو اهلي
ربي يسعدها فين ما تكون