تراتـــيل بوحــــي …..

بسم الله
حبيت يكون لي متنفس احط فيه كل اللي جوايا
راح اكتب بطريقتي وباسلوبي ولهجتي العامية

.
.
.

استنوني…. مهاوي

في البداية راح اتكلم عن نفسي
انا اسمي مها من جدة
عمري العمر مجرد رقم
هوايتي ليا هوايات كتيرة مابين رسم اعمل اعادة تدوير
اغني وارقص
اتزوجت صغيرة خلصت الثانوي ودخلت سنة في الجامعة
وما قدرت اكمل لظروف
بس الحمدلله راضية ومبسوطة باللي قسمه ليا ربي
.
.
.
نكمل بعدين

مساكم سعادة حبايب قلبي
نورتوا مدونتي المتواضعة
اشكر كل من مر وترك لايك

احبكم

يا الله قد ايش عجبتني هادي الصورة وحسيت فيها كمية احساس

يا الله. قد ايش نحتاج نسمع الكلمة الحلوة من الناس اللي نحبها

بس للاسف الناس اللي نحبها

عندي سؤال دحين ليش الوحدة بعد ما تتزوج وتجيب عيال
وعيالها يكبروا شويه وتبدأ تشوف حالها يعني بمعنى
لو طلعت وراحت فرح وقامت ترقص يقولوا يوووه فلانه استخفت
هل هيا فعلا استخفت
والله انا اشوف ان الموضوع عادي
خلوا الحرمة تفرح يا عيني عليها