في خاطري ( كلمتين ) تصول وتنبّه
( معاك ) اببدي بها من قبل لا تبدي


ما اقبلك من دون لا موقف ولا سبّه ؟
تمشي على القاع كن مشيّك على كبدي !

صارحيني وأحيي اللي من سنين
خافقه : - له كم ماجاه ( الحيا )

ليه ماقلتي ( أحبك ) تستحين ؟
الحيا في هالوضع ( قِلة حيا ) !

أنت يكفي لو ( تتابع ) من بعيد
المهم أنا مع أحساسي معك ,


كل يوم أنزل علشانك ( جديد )
أسمعه , وأٌقراه لو ما أسُمعك !


مو مهم أكون في غيابك , سعيد
المهم أن ضقت صدري ؟ ياسعك


ماصفا لي من بعدك إلا القصيد
مانفعني بشي ليته ( ينفعك ) !

ماودي ( أذكرك ) بس المشكله مقدر
ياليتني أنساك لكن ماكتب ( ربك ) !

أخر طلب وأوعدك بعده ماعاد , أسهر
اذكرني أنساك لا تذكرني ( أحبك ) !

من دون لا تشعر بصوتي , ولا حسي
كنت أتواجد هنا فـ ( الركن ) من مبطي

الركن هذا ليا جيته ( فتح نفسي ) !
للشعر وآخذ من إبداع الأدب , وأعطي

إحساسي إنه قريب لوضعي النفسي
وإن قلت حرفك يعالجني ماني ( مخطي ) !

( إتذوّب ) ضلوعي وقلبي لا سمع حسك يذوب
واتصبها في كاس حبك ( والعجمي ) يشربه !