طيفك البذّاخ كنّه لا جا عقب ( العصر )
فردة إخلاص ٍ حساوي , وفنجال قهوه

ذوقّيني فرحة المنتصر يوم ( النصر )
والله إني مشتهي ضمّة إيديك شهوّه !

راح نص العمر , والباقي سراب
إن تبعته ضعت والشرهه عليّ

كان ماطوعت نفسي بالعتاب ؟
عاتبوني قبل عدواني ( هلي ) !

محبتك عن عيون الناس ( صاينها )
محفوظة ٍ ما كشفت اسارها إلا لك

في وسط قلبي عن العالم مزبنها ,
ينبض بها قلبي اللي منك متهالك

هذي حقيقه وجيت اقولك ( عنها )
قبل يفوت ( الأوان ) وتقطع إوصالك

( سويتها ) في قصيده وانت لحّنها
شلها بـ صوتك وسجلها بـ جوالك !

يعني تبي ( تشمت ) العذال في قلبي ؟
عادي ولا همني كل شامت ( وجاحد ) ,

واذا اسألوا عنك لامريت في ( دربي ) ؟
بقول يكفي ( أحبه ) من طرف واحد !

علمني أنساك , ياحلمٍ ملا أمسي
.............قبل لاتنوي أمانه لحظه ( وداعي )

مافيه داعي توصيني على نفسي
.............مادام صرت بحياتك مالي أي داعي !

خليتني , الف شكراً لك على صدك
...............تصدق أن صدتك , ما تِضعف أمالي

لـ أنك اذا ( غبت ) عني والغلا ردك ؟
................أشوف نفسي كبير بعين عذالي !