( اللِّيل والأحزان والدمع والـ Note ) ؟
..............كل يوم نبكي قلب في البُعد أسرف :-

( تعبت ) أنادي بس ما فادني الصُّوت
..............الطير طار وفي سما ( الغير ) رفرف !

( أحتاجك ) وتعبان من كثر السكوت
..............وحزني ( تمرَّد ) في الغياب , وتعجرف

من قال بـ غيابك مضيِّفني الموت ؟
..............مامتِّ بَعدك بس ( لوميِّت أشرف ) !

ياللي جرحت الخفوق ورحت متعافي
.................هو هان قلبي عليك أو هانت العشره

مشكور ما قصرّت يمناك يـ ( الوافي )
.................خل التعازي لوجه ( أيامنا القشره ) !

يوم حان ( المفارق ) جف كل الكلام
.................ومابقى الا الدموع اتبل قاع الشعور :-

( ماتت الذكريات ) وما عرفت الملام
.................كان قلبي حياوي وانت قلبك جسور !

من تباريح حزني ذاب ( وجه الغرام )
.................آخر الدرب كذبه واخر الحب جـور !

رغم ( الغلا ) اللي لك بقلبي وملحك
................إلا إنك أقسى من عرفته ( وجاحد )

( أضيق ) وأتغربل عشانك وتضحك ؟
................ماكنك اللي قلت أنا وأنت ( واحد ) !

أبنسحب يمكن مع الوقت تشتاق
..................وتمطر ليّ البهجه ( ويزهر زماني )

انا مـ اعرف ان البطا كان لـ إفراق :-
..................بس اعرف انك صرت إنسان ثاني !

أحتاج غربه براجع كلّ أطباعي :-
..............بشوف وين الخلل هو فيّ أو فيهم ؟

رجيت وصلٍ يهدّي ثورة أوجاعي
..............مديت يدّي , ولكن ( ذابت يديهم ) !