أقماع بحشوة الدجاج - منتديات مسك الغلا

**الفيصل** · 04-26-12, 02:28 PM

المقادير والطريقه مع بعض / ..

اول شي نسوي الأقماع ..

سويتها من خبز التورتيلا

[ طحين + ماي ] واقفل الاطراف فيه

ونقطع الخبز لمثلثات مثل كذا

عقبها ناخذ كل مثلث ونلفه على شكل قمع وبالطرف نحط الخليط اللي قبنا بنقفل فيه " الطحين + الماي "

بوريكم صوره وانا حاطه الحطين قبل ألفه عشان توضح لكم الفكره

عقب مالفيته

بعدين ندخل كل قمع في الثاني ونحطه في حافظه عشان ماييبس ..

الحين نجهز الحشوه ..

بتكون 3 طبقات أساسيه

طبقة الدجاج / طبقة الخس / طبقة الجبن

بالنسبة لـ طبقة الدجاج ..

نسوي التتبيله حقت الدجاج وهي عباره عن :

[ علبة زبادي / 3 ملاعق كبيره صوص الـ Hp العادي / عصير ليمونه / فص ثوم صغير مفروم / ملعقه كبيره خل / شوية فلفل اسود / شوي ملح / شوي بهارات ] ..

بتلاحظون اني ماكثرت بهارات وفلفل اسود وملح .. لأني برجع احطهم مره ثانيه وقت الطبخ ..

نجيب 4 صدرو دجاج ونقطعهم لمكعبات صغيره ونخليها تتبل بالتتبيله اللي سويناها لمدة ساعه أقل شي ..

على ما تتبل نجهز الخس ..

نجيب خس ونقطعه لقطع متوسطه تقريبا

ونجيب 3 ملاعق مايونيز وملعقه كبيره عصير ليمون ونخلطهم معها ..

ونحطهم بالثلاجه لين نكمل باقي شغلنا

الحين نجهز الجبن

نجيب جبن ..

انا حطيت هالنوع

ونجيب فلفل احمر بارد .. ونقطعه لمكعبات صغيره ,

وبقدونس .. نقطعه لمكعبات صغيره بعد ,

ونضيفهم للجبن ..

( الفلفل والبقدونس اختياري .. )

الحين نجي للدجاج اللي تتبل ..

نجيب قدر .. والا مقلى .. بكفيكم ,

نحط فيه الدجاج مع التتبيله ( بدون زيت بدون اي شي )

ونخليه على نار متوسطه لين ينشف من الماي اللي فيه ( الماي اللي بيطلع من الدجاج + الصوص حق التتبيله )

تقريبا بياخذ ثلث ساعه ,

لما ينشف نضيف عليه شوي زيت ..

ونقلبه دقيقتين ثم نضيف عليه بصله صغير مقطعه شرايح طويله ..
ونقلب لما يذبل البصل ..
ونضيف عليه مكعب ماجي ..
وشوي بهارات وفلفل اسود ,
وملعقتين كبيره معجون طماط

وعقبها نجيب فطر مقطع شرايح ..

ونضيفه على الدجاج ونقلب 5 دقايق ..
بعدها نضيف شوي كزبره مفرومه

ونقلب دقايق بس ونرفعها من النار ..

الحين نجيب الأقماع ونجيب كل شي جهزناه .. " حشوة الدجاج / الجبن / الخس "

ونحشي الأقماع بهالترتيب

اول شي طبقة دجاج

بعدين طبقة خس

بعدها طبقة دجاج

أخر شي طبقة الجبن

وهذا شكلها بالأخير

وبالهنا والعآآفيـــــة

**بيبى كيوت** · 04-26-12, 05:24 PM

طبق لذيذ يعطيك الف عافيه بانتظار جديدك

**لقيت روحي** · 04-27-12, 02:37 AM

يمي يمي شكله الذيذ تسلمين على هيك موضوع

**ريناد** · 04-27-12, 02:27 PM

*ﻛﺎﻟﻌﺎﺩﺓ ﺍﺑﺪﺍﻉ ﺭﺍﺋﻊ

ﻭﻃﺮﺡ ﻳﺴﺘﺤﻖ ﺍﻟﻤﺘﺎﺑﻌﺔ

ﺷﻜﺮﺍً ﻟﻚ

ﺑﺎﻧﺘﻈﺎﺭ ﺍﻟﺠﺪﻳﺪ ﺍﻟﻘﺎﺩﻡ
ﺩﻣﺘ ﺑﻜﻞ ﺧﻴﺮ*

**مربوشه هلاليه** · 05-16-12, 11:00 AM

يــم يـــم
لـــذيـــذ
يـــعـــطــيــكـ
الـــف
عـــأأأافـــيـــه
تــــحـــيـــأأأأاتـــي
لـــكـ

**ۈلہ** · 05-16-12, 11:03 AM

-

يعطيك الف عافيه

ع الطررح الرائع

ودي
^^

المواضيع المتشابهه للموضوع : أقماع بحشوة الدجاج
الموضوع	كاتب الموضوع	المنتدى	مشاركات	آخر مشاركة
البان كيك بحشوة السينابون	.hind	قسم المطبخ للوصفات التحضيريه	7	02-07-17 12:27 AM
تشييز كيك بحشوة الجالكسي	ســـارا	قسم المطبخ للوصفات التحضيريه	4	09-16-15 02:48 PM
طريقة عمل شرائح الدجاج بالكريمة أو بيكاتا الدجاج	بيلسان	قسم المطبخ للوصفات التحضيريه	5	02-18-14 01:12 PM
أقماع السويتز...حلى ومالح في آن واحد..	ρгєŝτіgє	قسم المطبخ للوصفات التحضيريه	3	07-28-13 11:08 PM
دوائر التوست بحشوة الدجاج ...	نقآء	قسم المطبخ للوصفات التحضيريه	2	06-11-13 11:54 AM

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض الصوتي للجوال		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات بنت	شات سعودي		شات تعب قلبي	شات حبي
شات الخليج	شات مملكة الحب	شات بنت السعودية		شات السعودية	شات دلع السعودية
شات سعودي كام	شات فلة الخليج