اهلا بيك اخي الغالي عتيق

لاهنت يالغالي على الحرف والقال
......حرفك وصلني والمصافح طلتك

نبدي على الغالين وعلى طيب الفال
....... اغلى التحايا من حروف (ن) ما ملتك

سلمان

يا صاحبي سلمان جاكم سلامي
بالخاص بين اثنين ثالثهم الله

هي راحتي وارتاح فيه انسجامي
للي يبي حلو المعاني ومشكاه

وأرسلتها من خاطري والنظامي
جاب السبب واسبابها تمنع الاه

حياك اخي صح لسانك

اهلا هلا بك عد وبل الغمامي
واعداد برق لاح في وسط منشاه

اعداد مانادا على المقصوره حمامي
واعداد نجرن صاح في جنب مركاه

عليك يالي قلت طيب الكلامي
بادرتني بالطيب وفي الحرف معناه

غيرت قاف الحرف وانته همامي
وشبك علينا يوم شعري تغناه

كسبت انا الجوله ولا لي اسامي
انا مركبي في البحر والبحر مرساه

سلمان

قال الذي يهدي سلامه للي يستاهلون السلامي
رجال و نساء تفهم رسم الشعر في كل اتجاه

سلمان يا سلمان مدري ويش اللي جرى لغرامي
اهو أعلن حرب القطيعة والا الذي دهاني دهاه

الحب سطى في القلبين اكثر من سبعة أعوامي
عتيق حبه يا عتيق يتجدد كل ما جابوا طرياه

آية العشق ومسك الغلا لقيت فيها غاية مرامي
الحر الصيرمي اليا رمي صاب عز الهدف مرماه

صحت عزاه من عين رمت قلب بسهمها الدامي
يا فاهم القيل يموت الضامي الى ما حد سقاه
الشاعر/ حمد بن فهد المخالده السبيعي

حي الجواب الي قريته وسامي
......عانق سليل الطيب والخير يبراه

يقول ياسلمان وجاني هيامي
......واودع غرام القلب بالشوق يقراه

حيه وحي سبيع ريف الضوامي
.......لاجى على العايل من الكون مسراه

فيني صواب قبل تسع(ن) وعامي
......الشوق منها صار للقلب سقياه

كل مابعدت بعيد شفته امامي
.....وكل مانهيت القلب يعيد ذكراه

سلمان

سلمان دق الحديد مادام إنه حامي
والمكتوب على العبد لبد إنه ابيلقاه
مثلك شخص عظيم و رجل قوامي
عند الشدائد قوي العزوم ربعه تنخاه