يامرحبا مليار ياسلماني
والله يحيي من وصلنا حسه
واوصل الترحيب بالقيفاني
الراهية ومن الصور ممتسه
واللي توطى صاحبي وطاني
مبطي وطس بي الزمان وطسه
واليوم لاهايم ولا ولهاني
ولا أونست نسانس الهوى ماانسّه
خلاك خلك مثل ماخلاني
خلي غياب النجمة المخنسّه
وانا اعين بندقي وحصاني
حدد مكانه والزمن وإنسه

وسلامات تطولك ..~

اهلا هلا بالي وفاني وجاني
منطوق حرفه مثل غمز وهمسه.........

اما سقيته حب والا اسقاني
والاضربنا في المرق والكبسه.........

اغير من شوقي وجيتك عاني
والنبض عندي خبر واجسه............

حبيت غرون قبل العام والثاني
ولازلت محكوم وانا في حبسه........

حبي بنيته ومن غرامي باني
لكن الاعلام الي رفرفت منتكسه..........

محبك سلمان وسلامتك

ألا يالخالدي خذ لك من حلو المعاني
تسلم سلمان و عدوك يستاهل رفسه

الزين قبل لا أجيبه بفضل الله جاني
حكا واستانس القلب من حلو رمسه

حل حلال وكفي لامس كفه الحاني
ناعم الملمس لامست خمسي خمسه

وريحت قلب حزين من الهم يعاني
صحى الفكر ودار الحديث بالجلسه

كني عشت في قصر محكم البيباني
يسمع كلامي واسمع كلامه و همسه

الزين على قلبه حفر اسمي وعنواني
وبنيت له داخل القلب قصر يحمسه

لمنه مشى وتمايلت غصونه يتمناني
يجيبه لي الشوق مشتاق ناعم لمسه

تمايل غصنه كما تمايل عود خيزراني
ماله أثر كن الريح هب خاص لطمسه

ريحتة عود والمسك وعنبر وريحاني
حي النفوس الطيبة وكب اللي نمسه

أبيات قالها السبيعي ومهيضه سلمان
احلى من العسل حين تشربه وتقمسه
الشاعر/ حمد بن فهد المخالده السبيعي

ياصاحبي حنا دراويش وصحاح
مانعرف اسلوب النمك واللكاعة
طقطق وعلق لين تشبع وترتاح
ماضقت لو ضاق الفضاء في اتساعه
سؤال خيّل بي وله بارق لاح
شالفرق مابين الدلع والمياعة

خاطرة وليدة اللحظة &

سلام ياحطاب ذكرتني بليل النواح
وسألت مالفرق بين الدلع و المياعة

الدلع زين لمر صاحبه لابس وشاح
والمياعة تجر طيب النفس للبشاعة

صح لسانكم جميعا احبتي الغالين تسلمون

غديت انا من بينكم مثل سواح
الله يقوي سطوتي والمناعه........

مغير اخاييل في السما كل مرواح
يقول قلبي للغلا سمعا وطاعه........

سلمان