وعليكم السلام ورحمة الله وبركاته
منورين المكان جميعا الله يسعدكم ويحفظكم من كل شر

اهلا هلا بالي قريناه جنتل
من نخبة الشعار والي يردون

سيفي مع الشعار لابد يستل
ونشارك الغالين وأبليس ملعون

نشيدكم بالطيب ماهوب مختل
تغني به الورقا تغاريد ولحون

الشوق طال وخاطري راح وبتل
قلبه مع السمار والي يغنون

سلمان

وعليكم السلام ورحمة الله وبركاته
ليش غيرت القاف يعني مهزوم هههههههه
ابشر

ياهلا بالشاعر الي شال جمره
........ .وده بميسم من الكي الشديد

ماترفق يوم جانا وزاد شره
...........كسر الي في الحواجز والحديد

جاك يسعى والاسم من تحت سره
...........وده يحارب على روس العبيد

يافتى شعري من نجم المجره
...........ما يغني به كل شيطان طريد

يسحبه في تالي الليل ويجره
...........ما تعوذ منه وروح به عنيد

ابشر بمردودي لشيطانك يسره
.........علاجه الي منه منطوق ويفيد

ياغليم في مجالسنا المبره
..........نبدا نكتب بالتحيه والجديد

مابدينا بالتعالي والمضره
..........وما سفهنا صاحب الراي السديد

سلمان

في حروب التغلبي مع ال مره
كلهم ماتوا ولا فيهم شهيد

و ساحة الشعر المقفى فيه كره
بالتنافس ند تواجه مع نديد

والنفوس تبان فيها مثل دره
والسعيد اللي يقابل له سعيد

والمضره ما تجيب الا المضره
اوصدو بابٍ يجي معه المريد

وعليكم السلام ورحمة الله وبركاته
منورين المكان جميعا الله يحفظكم من كل شر ههههههه
طيب
ياوله وشفيك صابتك المغره
جيتني بالسم في وسط الثريد

وش علامك بالخطاء مره ومره
يعني ودك بالعصا والا الاسيد

احذر الجره تكسر فوق جره
واحذر الصياد ينصاك ويصيد

ينقص الرقم المشغل فيك نمره
راجع التحديث والرقم المعيد

يامشوش يحفظك ربي بستره
واحذر انك تطلب وهل من مزيد

لا تسوي سواة من خيره يصره
ثاقل(ن)دمه ومسدود الوريد

مجلس الغالين انزل تحت حدره
ماهو لك لعبه اوصالة جليد

يمي الفنجال وانت كاس خمره
ياخفي الاسم والعلم البليد

لا تقابل من يدافع جاك نهره
تصبح من الضرب مطرود ووحيد

لاتعدى وتقرب الغايب وبحره
افهم العلم المدون والمفيد

وان قربت الخط والانوار حمره
جاك ردي يودعك مثل الحصيد

ان فهمت البيت والا بعض شطره
والا حاول تبتعد وخلك بعيد

سلمان