اخي الغالي سلمان الخالدي، المهلي ما يولي يحفظك ربي . صح لسانك وسلمت يداك الوضاءة وقلبك الطاهر.

رد الشاعر/ حمد بن فهد المخالده السبيعي
يسلم لنا اللي رده سرني وردي سره
جاب القاف عالكيف تفداه الحبايب

سلمان الخالدي والنعم مليونين مره
مثله اليا وضع عالجرح صار طايب

حيك رجل لمن أقبلت قالوا لله دره
وإلا اللاش لأقبل قالوا أقبل الخايب

النهر العذب الكل يتمنى يكون نهره
ويسرك شوفه وقوم تحول الركايب

خله لا تلومه لأقفى من شدة الحره
الردي دوم يقفي في حزة النوايب

ياخوي أبد الحاقد لا تبشره بالمسره
يموت قهر إلى منك جنبت المصايب

من لا يودك لاتوده واتقي بالله شره
وافعل خير تلقاه لو بعد رز النصايب

غدا يصح الخامل لمن جاه شئ زره
إن صحى نال وإلا غدى حظه شايب

من لا فر دركسونه بيده لا لا يتشره
مشي على كيف غيره وهو السبايب
الشاعر/ حمد بن فهد المخالده السبيعي

وعليكم السلام ورحمة الله وبركاته
كل عام وانت بخير والجميع
تسلم اخي الكريم أبيات جميله جدا
الله يجزاك خير ويسعدك في الدنيا والآخرة
على الرحب والسعة

في مجلس الشعار وللشعر بحره
...........حرف السبيعي كويكتيل الاطااايب.......

غيره ماعاد يشيل مثقال ذره
.............وابعد يغني في مهب الهبايب ........

ابوفهد وافي و لله دره
...........ماراح يبعد ويتعذر وغايب.........

الحرب قشرى وفيها كره وفره
............مايصمد الا سالم(ن)من المعايب

من يبدع الاشعار من فوق حره
...........من صحصح البيدا ومرسوم نايب

ارسل سلامي من نجوم المجره
..........واقطف ثمار الشعر رغم المصايب

مثل الصقر ان فز من فوق وكره
.........يصيد من زين القنص والرغايب

في مجلس الغالين مابه مغره
..........والي تنحى بعيد ماهوب صايب

هذا مصب السيل وهذا مخره
........وهذا الي قال ابشر ولبى الندايب

من يخفي اسمه في غياهيب سره
..........تراه مبعد من سهوم الغلايب

مايخفي الرجال اصله وامره
...........مادام مابه ما يثير العجايب

سلمان

صح لسانك وسلمت يداك الوضاءة وقلبك الطاهر. تسلم لنا اخي الغالي يحفظك ربي عزيز الشأن ويرفع من مقدارك دين ودنيا وآخرة ربي يبلغك مرادك ويوفقك لما يحبه ويرضاه ويحقق لك أحلامك
======================

رد الشاعر/ حمد بن فهد المخالده السبيعي:-

<♡{ كساب حلو النجايب }♡>
اهلا هلا بسلمان كل ماجرى نهره
الخالدي مثل الريح لهب الهبايب

جبل راسي ما هوب رمل و غبره
طير حوران كساب حلو النجايب

لله درك ومثلك ينقال له لله دره
رجل مذكور بخير حاضر وغايب

الله يبعد عنا الحرب خيره وشره
وإن كتب علينا نفعل به العجايب

الشعر موهبة من الله فيه المسره
وفيه المضرة للي يدور المصايب

ياخوي سلامك وصل عارف مقره
من بستاتين الغلا يحمل الأطايب

حيه من صقر نادر من شافه سره
في سوق الغلا اغلى السعر جايب

هذا مجلس الشعار قل لجاهله بره
لاتعلم نظم القاف يهجي الحبايب

خيال الخيل لبد يعرف فره وكره
ابن الخالدي خيالها سلم وحرايب

ودولاب الشعر ماكل من جاء فره
والخافي اسمه ماهو قد الصعايب

جنب دربه لا تفرح ببرده ولا حره
قد قيل ما يتبع الخايب إلا خايب
الشاعر/ حمد بن فهد المخالده السبيعي

وعليكم السلام ورحمة الله وبركاته
تسلم اخي الغالي ربنا يسعدك في الدنياء والاخره
وافي واحرجتني بطيبك وجميلك
ابشر على الرحب والسعه



قالو حمد وقلت الله يطول بعمره
رجل(ن) خذا طيبة الصغير والشايب

اهلا هلابك على الماجوب في سفره
نكتب لك الي مثل مزن السحااايب

والي في نفسه شي عليه بالمره
يتغرغر بها عقب التعب والنحايب

مانرتكب قطع الاشاره وهي حمره
وقطع الاشاره والتجاوز مصايب

شعري انا لك ما على شفته حمره
ومافيه من بعض الخطاء و الشوايب

دخان طيب العود الازرق وجمره
مهوب من دخان بعض الخرايب

وفنجالنا لك من الكيف ماهوب خمره
له حزة(ن) عند احتكام النوايب

ان جاء على العمسان سدره وغمره
عقبه نغني من لحون العذايب

الحجز في التطبيق للحج والعمره
الله يحقق الاجر و الكسايب

سلمان

السلام عليكم ورحمة الله وبركاته
هذا رد على قصيدة الشاعر / الأستاذ سلمان الخالدي

رد الشاعر/ حمد بن فهد المخالده السبيعي:-
< { حيك وحي شعرك يالسنافي } >
تسلم لنا سلمان شوق البيضا و السمره
حلو المعنى والمغنى وبلسم الصحايب

منك الطيب طاب وقت الرخاء وطفره
وشذاك فاح عطر حوى جميع الاطايب

لايهمك اللي في نفسه علينا شيء غره
خله يموت كالمغرور مايطول النجايب

وقت الخطر نقطع أرض خضره وغبره
ما نهاب الموت لأجل الوطن والحبايب

حيك وحي شعرك يالسنافي قوي نبره
فيه حلو التعابير بجزل المعاني صايب

تعلى طيبه دخان عود ازرق على جمره
من شافه شهد لك بالطيب ورز نصايب

ياخوي فنجال الكيف به حلاوة السمره
أنت الحلى كله سديد الرأي والكسايب

ويروق الليل النا اليا اختفت ذا الحمرة
وبان القمر جا القصيد كل منا له جايب

الله يوفقنا معك يالخالدي حج و عمره
ونزور المدينة نسلم على سيد الحبايب
الشاعر/ حمد بن فهد المخالده السبيعي

صحت الالسن
وين الرفيق اللي يشعشع حرفه
يلعب مع الحيران والعطافة
تصوير فني لاتجسد وصفه
كنك تشوف عروقها الشفافة
خاطرة وليدة اللحظة &