ارحب ارحب يامدار في مجره
هالته طاقة نجوم ماتبيد
وانته اصل ولاتنوب الا مبرة
حامي يفتل ويفل الحديد
عدت واعيادك تباريك ومسره
ياحميد العودة وشوفتك عيد
خاطرة وليدة اللحظة &

يا هلا باللي كلامه لحن جره
والمعاني حاضره بحره مديد

أنت واحد بالمحبه مستقره
يا سلام الله سلامي يا بعيد

قلت اباخذ معك تدويره وفره
وعاد عيدك بالسعاده يا عضيد

وعليكم السلام ورحمة الله وبركاته
وافي وغالي ياوله والجميع تسلمون
اكيد المنتدى بيت الجميع




عيدنا عيد المحبه والمسره
.........من قراح البير شرابي والمديد

افلحو وابليس مربوط ن بجحره
..........ونربط عياله وعيال العويد

ولا يهم الي في حقده ضاق دهره
..........ياعسى ربي يصلح الحال ويزيد

الحصيني مايبي الي فوق وكره
...........يضهر ان شافه عن الساحه بعيد

عالجو الاخطاء وكل الشعر فكره
...........وبعدو المقباس لاياصل جريد

الشعر فيه المكسر وفيه ندره
............وفيه شي(ن)ينتثر مثل البديد

وان طلبنا الرد عقب الفر كره
..............ومن شعل مقباس عندي له وقيد

مافرح من يعتدي وراح بمسره
............يوم خيل القوم ان غارت تبيد

الخطا من راع الخطا لازم يقره
.............مانبي خبث الورم نبغى الحميد

احذرو الشيطان والحيه تمره
.............لا يضيع المال من صرف الرصيد


سلمان

ماتكفيني معك يالقرم فره
ودي امسك معك خط تمهيد وقصيد
مالنا جره سوى صوت نجره
والهجوس تجوس والشارد طريد
دوس للمتعوس والطاروق سره
وانحر ديار المبجل والمجيد

ياهلا بك ياهلا والصوت اجره
من صدوق ن ماخذالطيب ويجيد

الوله سلسال على خده و نحره
وانتم الي فيكم الطيب الاكيد

سلمان

صح لسانك يا حطاب و يا سلمان ولو تقلبون الصفحة ازين واحسن