سعيدة لاني بقابل احلى ناس انا عرفتهم بحياتي
لي منهم سبع شهور بس وحشوني قد الدنيا..

عشت حياتي كلها بعطاء، و الحين انا جالسة اجني الثمار
شكرا لله على حب الناس..

صرت اكره هذا الشعور، شعور يخليني افكر كثير، شعور يخليني احب انعزل عن الناس ..
شعور يخليني احب الوحدة..
لما تتوقع أشياء كثيرة و يجيك بس شي قليل، تحاول تتصرف انه هذا هو الوضع الطبيعي و تبدأ تأقلم نفسك على كذا..
بس تأقلمك مع الوضع ينقص من شغفك، من اندفاعك..
و تبدأ تفكر أكثر، و تكلم نفسك بأن الوضع طبيعي و ما يحتاج منك كل هذي الدراما..
و تصير نفسك تصدق هذا الوضع و تبدأ تتغير شوي شوي..

تتعبني التفاصيل الدقيقة و يتعبني كيف احسب الايام و الساعات.. و يتعبني كيف ادقق كثير،،
و هالاشياء انا بشتغل عليها و اعدلها بنفسي،
بتعلم التطنيش، و كيف اعدي المواقف بدون ما تأثر بنفسي..
بتعلم كيف ما أكبر المواضيع داخلي..
سنه كامله بشتغل على تعديل كل شي ما احبه فيني..
بتخلى عن كل شيء يؤذي روحي و مشاعري .. حتى لو كان عزيز علي،،
ما راح تطلع سنه 2020 الا وانا متعلمه التحليق بروح حرة
اتمنى ارجع لهالكلام بعد سنه و اقول انا حققت كل شي و محلقه الآن

صباح التفاصيل الصغيرة..
صباح الحب اللي يكبر بداخلنا لكل شي ..
صباح حبي للصباح، للشتاء، للصور، للذكريات، لكل شي رقيق
صباح الأمل اللي يكبر بداخلي يوم عن يوم..
صباح يقيني بأن الله مسيرني و موجهني لأشياء تشبع روحي بالفرح..

حتى لا تنكسر أرواحنا، توقفوا عن الانتظار، عن التوقعات الكبيرة، اعلموا انكم تستحقون الأفضل في كل شي،
تجاوزوا كل ما يثقل أرواحكم، حبو بصدق.. أعطوا بحب دون انتظار المقابل، فقط لإرضاء روح متعطشه للعطاء..

انا حالياً جالسه اتخلى عن كل شعور مؤذي، اتخلى عن من لا ينفع استقامة روحي..

انا من الاشخاص اللي بسرعة أرضى و بأبسط الأشياء..
وردة، شوكولاتة، كلمة حلوة، حتى الجو الحلو يرضيني ..


الجو اليوم سحب مني كل الطاقة السلبية،
صباحكم جمال

كثير مشاعر عندي بس ما راح اكتبها و بتخلى عنها