|
:: قرار هام :: |
إضافة رد |
| LinkBack | أدوات الموضوع | انواع عرض الموضوع |
10-24-19, 11:02 PM | #1291 | |||||||||||
|
في لحظة ممكن تتغير حياتك كاملة، لكن انت ما تستوعب هذا التغيير إلا متأخر.. و ما تقدر تتراجع عن شي.. مالك إلا تواكب هذي التغيرات.. جميلة ، مختلفة، مخيفة، مقلقة، تجعلك تطير دون أجنحة.. جملة من المتناقضات.. و انا اعشق التناقض،، لكن كل ما يشغل تفكيري ، هل تزول تلك المتغيرات و أعود على أرض واقعي؟ و ماذا لو عدت .. هل سأعرفني..! هل سأتقبل واقعي.! | |||||||||||
|
11-03-19, 06:59 AM | #1292 | |||||||||||
|
صباح مختلف، قرر أن تكون سعيد، و ستسعد بالقرار و لا تعلق سعادتك بأحد ، فتخسرها لو خسرتهم.. | |||||||||||
|
11-07-19, 08:41 AM | #1293 | |||||||||||
|
صباح الخميس الجميل.. اللي نحاول قد ما نقدر نستمتع فيه رغم قليل من المضايقات بس اعتبر نفسي نجحت في تجاوزها نوعاً ما.. صح انها تاكل في صدري بس كانت ردودي لطيفة لازم نفرح اننا نقدر نتجاوز.. نقدر نتابع مسيرة الحياة رغم كل شي،، فرق بين زمان و الحين.. اني زمان احاول أتجاوز و اتغاضى لكنها تحز بخاطري و اشيل بقلبي.. و الحين لا.. أتجاوز و اتغاضى و اتجاهل و لا اشيل بصدري.. لذلك أنا افوز | |||||||||||
|
11-08-19, 01:13 AM | #1294 | |||||||||||
|
ليلة طويلة من التفكير،، من زمان ما فكرت بهذا العمق بهذي العقلانية.. قبل كم يوم قريت عن خطة 40يوم.. و كيف ممكن تغير حياتك و أفكارك بهذي الخطة.. و من ذاك اليوم و انا ادون أفكار، و الأشياء اللي ابي إنجازها و اغيرها بحياتي.. انا مابي اتغير.. كثير ناس حرضوني على تغيير أشياء أو منهج انا انتهجه.. لكن كنت قد ما اقدر أوضح لهم.. اني كل شي اسويه عشان نفسي مو عشان شي.. بس في المقابل فيه اشياء لابد تتغير.. صح ماني كاملة حتى لو حاولت اوصل للكمال... بس احاول اعدل أشياء،، احط أشياء في مكانها المناسب،، في حياتي الشخصيه.. بعد هالعمر.. مرو علي مختلف الشخصيات.. تأثرت و أثرو فيني.. بس مو قد التأثير على الصعيد العملي،، 15 سنة قدرت تصقل شخصيتي و لازالت.. مواجهة الجمهور شي صعب جداً.. خصوصاً على شخصية هادئة غير اجتماعيه.. و خجولة.. مواجهة الجمهور طلعتني من هالدائرة.. و خلتني اتعامل مع جميع الشخصيات.. و احط نفسي مكانهم.. و اتصرف على هذا الأساس.. كل هذا الكم من السنوات.. اكسبني قدرة على التحليل الجيد و المصيب في غالب الأحوال.. لأن العاطفة تلعب دور كبير في حياتنا،، و لاني انسانه عاطفية بطبعي.. ف تحليلي و قراراتي غالباً ما تتأثر بالعاطفة.. و لو اني احاول اتحكم فيها.. بس كل مافي الأمر أني جالسة افكر بذا الليل ،، و بالمناسبة احب اقول للناس اللي فقدوني .. انا متواجدة لكن بكسل و تصبحون على ما تحبون | |||||||||||
|
11-14-19, 08:40 AM | #1295 | |||||||||||
|
صباح كل شيء جميل ، صباح التخلي عن كل شي يثقل الروح ، صباح الحياة اللطيفة اللي ما تستاهل منّا لحظة نكد ،، | |||||||||||
|
11-15-19, 07:32 AM | #1296 | |||||||||||
|
صباح الحب بس انا زعلانه .. مواضيعي كلها و لا صورة تطلع تعبي راح ع الفاضي | |||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||