بقدر ما فيني من القوة، فيني ضعف،،
لولا رحمة الله، و لطفه فيني.. ثم تفاؤلي و حبي للحياة..

كان انا انسانه مختلفة تماماً، كئيبة.. حزينة.. محطمه..
بس كل هالمسميات ما تشبهني..

انا حاولت اتجاوزها و تجاوزتها.. رسمت لي حياة و جالسه الونها..

صحيح مشوار الحياة الطويل و شريطه كل يوم يمر قدام عيني..
و فيه تفاصيل صغيره انا انساها في عز انشغالي.. بس ترجع لي وقت ما اطيل في التفكير..
بس احاول اشيلها من بالي بسرعة لانها تعتبر الجانب الاسؤ اللي ممكن يدمرني لو رجعت افكر فيها..


هذا يسمونه قانون التفكير.. اللي هو تقدر تتحكم في افكارك و ما تخليها تسحبك لتحت..
مستحيل ما نفكر.. بس نقدر نسيطر..
يعني فكرة ما تقدم لك شي.. تجاوزها و اختار غيرها..

رسالة خاصة :

كنا جيدين، لكن الظروف و الافكار هي من فتكت بنا..
اعلن اعترافي بالخطأ، و اعتذاري ايضاً..

بعد ان تصالحت مع افكاري،، اكتشفت كل هذا..
بعد ان حللت المواقف كلها، تبين لي كل شيء..

انا الآن اعيش بسلام، و اتمنى لك ذلك

من العيد.. تركت التدوين في الاجندة.. تغير نظامي و تلخبط كل شيء..
و اليوم قررت و عزمت على العودة لحياتي .. لاني احس نفسي غريبة عني..

بديت اكتب ملاحظاتي عن شهر مايو..
قررت اشياء لازم اسويها و انتظم فيها..

اولها اني ما احاول انام و انا مافيني نوم.. هذا الشي تعبني كثييير..

بعد شهر بالضبط بقولكم اذا انا بطلة و انتظمت
و اذا لازلت مخربه كل شي صفقوني بالله خخخ


انا سعيدة الآن.. و ما اتذمر من شي قاعد يصير بحياتي

الحمدلله حمداً كثيراً طيباً مباركاً فيه..

قدرت اعدل نومي اخييييررراً..
امس قاومت النووم الين صارت الساعه تسعه ف الليل
و على طووول سحبتها نومه و ما صحيت الا الساعه سبعه الصباح

اتمنى ما عاد يتلخبط يومي ونومي لاني احتاجني كثير هالفترة
احتاج اروق و ما اعصب على احد.. لان عندي اشياء ابي اشتغل عليها


و كل الشكر لي

اعطيتني الكثير، و انت لا تعلم..
سنه كافيه اُشبعت فيها من كل شي.. معنوي..
و انا اعيش الآن ثمرة هذا العطاء

لا افهم شعورك..
حين تكسر قلب..!
و تجوب الارض
يمنة و يسرى
دون شعورك..
بكمية الاذى
التى تركتها
خلفك..

دون احساسك
بتلك الاختناقات
التي تباغتنا كل ليلة
دون سابق إنذار

فقط
نعيشها
و نتجاوز..