نتشارك في الاصدقاء
لكن اخفقنا أن نكون أصدقاء..

انا ما اكره شي ، احب كل الاشياء ، كل الاشخاص ،
بس لو تسألوني وش الشيء اللي تكرهينه كره العمى ،، و عجزتي تتصالحين معه ،،

مرره مهما حاولت اتقبله ما اقدر


هي صفة .. و هي الكذب ،،

انا احاول اتصالح معه ، و انه صفة عادية ممكن تكون في الناس بس ماني قادره ،،

بس بعرف لو تصالحت معه ،، وش يصير ،،





ممكن اكون معك زي العسل ، بس تكذب او تكذبين يجن جنوني
و المشكله فيني اني لما اكتشف الكذبة ،، ابدا اراجع كل شي صار و اعتبره كذب ،،




مرات اجلس مع نفسي ، و اقول كل الناس تكذب ،، وش يعني تصالحي و تقبلي الموضوع ،،

جاري المصالحه <- و يارب ما تتصالحين معه خخخ









صباحكم نقي صافي ، كقلوبكم

صباح الصباحات الجميلة ، و الاشياء الحلوه ،،

صباح الاشخاص الاوفياء ، الذين لا ينسون و نبقى في ذاكرتهم

صباح الحلم الذي يرافقني كل ليلة ، و يستيقظ في صباحي و يستقبلني بكل حب ،



استشعروا روعة ما حولكم ، لو الاشياء البسيطة التي لا تذكر

افرح يعطيك الله الكثير ،، استبشر خيراً بأن القادم افضل من اللي فات



افرحوا بالاشياء البسيطة ، اللي محد يفرح لكم فيها ،،



مثلاً انا طايره من الوناسه اني عرفت اسوي كوكيز
مدري كم مره سويته الين وصلت لمرحلة انا 70% راضيه عنه
كل مره اسويه بطريقة مختلفه ،، انقص شي ازود شي ،، الين يضبط ،،
حبيت اللي اسويه مرررره و ما احتاج الحين ادور عليه في اي مكان ،،



و على فكره بس انا اللي طايره فيه في البيت ،، البيت كله ما يحب الكوكيز مثلي ..
و يوم ياكلونه اجلس اراقب وجيههم ادور تعابير الفرح اللي عندي بس ما القاها


المهم اني مبسوطة فيه ، و في كل شي اسويه

غصنٌ غض ،

و يحن لذاك الطير المسافر ..

كانت الفصول تمر عليه ،، متواليه ،

مرة يزهر ، و مره تتساقط اوراقه ،

إلى ان حل الشتاء .. !
و انسكر ، و هو في انتظار العودة ،





عاد الطير و لم يجد غصنه ،

بكى ايام ، و ايام ينوح ،

هدأ و راح يبحث عن غصن جديد ،،

دايماً استشعروا جمال الصباح


صباحكم حب

الحب ما يكون لشخص واحد، يكون لكل شيء ف الحياة
عيش الحب، و انشر الحب حولك،،

صباحكم حب