كثر المواصل في الهوى ماهو بزين
ودك بخلك بين مدهـ ومــدهـ



لن البني ادم ماتركـ طبعه الشين
لاحب له شي وشبع منه هـده




لكن لا منه جاك من حين لي حين
قدرت جياته وقدرت صــدهـ




وان قلت ابيك وقال ماهوب ذلحين
لاتبلشه يمكن ظروفه تحده




اصبر عليه ايام وشهور وسنين
ان كانه يودك وكانك تــودهـ




خلك لمنه اعطاك ماتطلبه دين
ماجاكـ منه أخذهـ ومـا رد رده




ولاتسوي مثل نآس مساكين
اصلك وفصلك بالهوى لاتعده




الحب ما خلى قبيله ولادين
نكس حكومات و كسر اشده




جوله وهم عقال وراحو مجانين
وكم واحدن خاضه ولاهو بقده



يقوله اللي جاحدٍ (ن) علّته لين
سم الهواء حاله وبيّح بسدّه



هذا كلامي وانت بتشوف بعدين
والله ان تميز بين مزحه وجده

يامعجبه قفلي وانسي تليفوني
انا على خوتك ماعاد يمديني
ان كان لك في الهوا شوط ماراثوني
لي في اوله خطوه وحده وتكفيني
بيني وبينه يكون الله في عوني
مثل مابين اليهودي والفلسطيني
سموه حرب او ضياع او فلم كرتوني
لا الدم دمي ولا السكين سكيني
سهم تعداني وسهم قصر دوني
وناس مياسيري وناس مياميني
مثل ماعشتي بدوني عيشي بدوني
ماكل من راح للبحرين بحريني
من كثر ماضاقت من احبابي عيوني
ماعاد شفت الطريق اللي يوديني
شريت ببكاي ضحكتهم وبكوني
إلا احرقوا دم قلبي في شراييني
مروا على مثل الاشباح وتعدوني
لا ضيعوا عقلي ولا غيروا ديني
صديت عنهم ورحت أمشي على هوني
وأن جيت أدورهم الله لا يحييني
من رخصهم لو من دموعي شحب لوني
مع كل دمعه يطيح أثنين من عيني .....

صب لي ياآنور عيني من الدله
كآنكـ أنت اللي من أجلي مسويهآ

دلتكـ تسوى دلال البلد كلًه
طعمهآ مملوح من طعم رآعيهآ

وردةً فى الفله أحلى من الفله
ليتهآ تعرض على البآع وشريهآ

أقدر أسيطر على البيت وآحتله
صآر ملكي لادفعت الثمن فيهآ

يستريح الخل ويعيش مع خله
فرصةً في العمر طآبت ليآليهآ

الهوى وردً قطآفه على حله
آه يآمحلى الورود وتواميهآ

الورود اللي من الغيث مبتله
والندى في الصبح كنه يحييهآ

والهوى غصنً تريحت في ظله
مآلت أورآقه ومآلت ثماريهآ

آنآ مآ وله من الشمس مآ وله
مآيدآني الشمس ونآ مدآنيهآ

صب لي يآنور عيني من الدله
كآنكـ أنت اللي من أجلي مسويهآ


للمبدع/ فيصل الرياحي

ياما معي في الحب يا مـا عطيتـي
مـا نـيـب ظـالـم خـافـق فـيـه محـتـار
وأشــكــرك يــــوم انــــك ودك وفـيــتــي
ذكـرى جـرت مــا بينـنـا الـيـوم تنـهـار
مبـروك ومـن عمـري تـراك اختفيـتـي
وان كان لي خاطر تحفظين الأسرار
مـــــا نــيـــب نـــــادم بــحـــب طـويــتــي
صفحات ماضي لأشعـل مـا بـه نـار
يـكـفــي زمــــان راح الــلـــي خـذيــتــي
قلـبـي وتفكـيـر عـلـى كــف الأخـطـار
ودار الــزمــان وهــــد قــصــر بـنـيـتـي
مـا عـاد لـه فـي عالـم الحـب تذكـار
هـي حالتـي الدنيـا ولـو مـا رضيـتـي
ملـزوم أنسـى يـا قمـر بيـن الأقـمـار
ابـبـتـعـد عــنــك ولــــو مـــــا نـسـيـتــي
هــذا قــراري ولا تقـولـيـن وش صـــار

يمه اذنبت ونزحت من العشيره
وان تمنو توبتي مانيب تايب

مابي لدنيا الغنادير اي سيره
طايح من عام الاول في مصايب

يمه اللي حب له طفله صغيره
ويش يسوي لاغدا فيها طلايب

طفلة ماكانت بحبي جديره
بس كانت غير عن كل الحبايب

كنت اسميها العنود المستذيره
ليت اهلها العام سموها عجايب

كنت اجيها مثل الامطار الغزيره
كنت اضيع بجوها مثل الهبايب

وادعي الله هي متى تصبح كبيره
تفهم اشلون المكان يصير ذايب

ان تغنت تصبح الطرقه قصيره
وان تغلت تصبح جروحي عطايب

صنتها مثل البحر لابعد جزيره
ماتركت علومها لاهل الركايب

ديرة ماهي بها ماهيب ديره
لو ثراها عشب واعلاها سحايب

يمه اتحبين طايلة الضفيره
اه والله ياعليها اشقر ذوايب

قالت ان جا الراس شايب فيه خيره
قلت يابنت الحلال الراس شايب

قالت الا الحب وشهو وش مصيره
قلت انا استاهل وانا كل السبايب

ماجزا اللي حب له طفله صغيره
غير قبر و ضحكها فوقه نصايب



الشاعر / ناصر القحطاني

يـــشـــهـــد الله مـــــــــا جـرحــتــيــنــي بــــيـــــوم
كــــــــل ذنــــبــــك لــــــــك خــــفـــــوق حـــبـــنـــي
ومـن سؤالـك لـي تـرى ختمـي عــزوم
حــزن فـــي نـبــرات صـوتــك حـــز بـــي
يــــوم قـلـتــي لــــي مــتــى صــــدك يـــــدوم
لـيــه انــــا فــــي الــنــار وانــــت المـهـتـنـي
يـــــــــا عـــــذابـــــي لا تـــزيـــديــــن الـــهـــمــــوم
كـــــــل حـــــــرف مـــــــن ســـؤالــــك هـــدنــــي
مــن رضــخ لـلـحـزن مـــا ضـنــي يـقــوم
حـــزنــــي الـــلــــي مـــثــــل ظــــلــــه اعــتـــلـــي
في دموعك كل عمري صرت اعوم
والألـــــــــــــم يـــــــــــــم الــــــعـــــــذاب يــــشــــدنـــــي
هـمــك الـلــي بـالـجـفـا مــــا شــــاف لــــوم
اهـــــون مــــــن انــــــك تــشــوفــي مــدفــنــي
ارحلـي عـن مـن يـسـوم الـمـوت ســوم
مـــن عـذابــي صـــرت لـلـمـوت انـحـنـي

الشاعر/ مغادر