أكثر قصيدة راقت لي اليوم لكن حسافة لا اعرف من كاتبها.


يا تركي توكلنا على الواحد الوهاب
.......والأرزاق مسقومة والآجال مكتوبه
نعيش وندرجها مع الناس والأصحاب
.......ونار الأمل في موقد الياس مشبوبه
صبور ولا أشكي الهم حتى على الأقراب
....ولو كان حظي في الزمن دوبي ودوبه
ولا صار لي حاجة وأنا لحاجتي طلاب
.....أشوف الكفو وأشد في خطوتي صوبه
عصامي بذلت الوقت للجهد والأسباب
........وشخصية الرجال تظهر من أسلوبه
خذاني الحياء لا أقول تكفى ترى الأطناب
.......تراخت وبيت الشعر ميل على جنوبه
فيا وجد عيني وجد من واجه الحراب
..............وسيفه معه لكن يمناه معطوبه
على قصر عز ودي أدخله مير الباب
..........تقفل علي وساعة العمر محسوبه
أنا يارفيقي بسرج الخيل مع الأشناب
..........ووقفة رفيق كفو شرواك مطلوبه
ترى الذيب ماهو ذيب لولا السطا والناب
............ذياب بدون أنياب ماهي بمهيوبه ..

قصيده لشاعر الجزل والمبدع / سعد بن جدلان



مايقرب ديرة العجـل الشفـاوي
لا انقطع منه العمس والليل دوا

كود قطماً كنهـا قلـة حسـاوي
قلـةٍ حشايهـا كـثـرّ وشــوّا

فالدجا نجمٍ على الشيطان هـاوي
وفالضحى طفّح ربابيـنٍ تـزوّا

تاصل اللي صاير عقبه سناوي
حط له وسط الحشا ميراث جوا

لبةٍ من فوقها الخمـري ثعـاوي
كنها مفتق صحـاةٍ وسـط نـوّا

راح يطلعني على بعض الدعاوى
وانقطع عني ولا ادري ويش سوّا

صاحبٍ في هرجته سبع الأداوي
وافطمتني من بنـات أدم وحـوّا

غديت انا وياك والوقت عدوان
لا احد نشد عنا ولا احد رحمنا
مشتاق لك بالحيل وبالحيل ولهان
وجدي على وقت مضى كيف كنّا
حتى ولو جوني حبايب وخلان
حتى ولو شفته يدور بدلنا
والله فلاني بعاشق غيره انسان
حتى ولو يقسى علينا زمنا
لو خانت الايام وضحى بنا وخان
قدام طعنا زمانه طعنا
غديت انا وياك والوقت عدوان
لا احد نشد عنا ولا احد رحمنا
مشتاق لك بالحيل وبالحيل ولهان
وجدي على وقت مضى كيف كنّا
ازعل ليا شفته مكتم وزعلان
وكم مرة لجلة رضينا وزعلنا
ياللي علينا صرت باخل ومنان
ان جيتنا ولا شرينا كفنا
حتى ولو جوني حبايب وخلان
حتى ولو شفته يدور بدلن
والله فلاني بعاشق غيره انسان
حتى ولو يقسى علينا زمنا