فراق ..!! بسم الله الرحمـن مـن ذكـره
تكفى دخيلك لا عاد تجيب ذا الطاري
فوقتني يوم قلته مـن حـلا السكـره
ضيعتها سكرتـي ياسكـرة أنظـاري
يا أمس عمري ويا يومي ويـا بكـره
فراقك اصعب علي من يـوم مقبـاري
اشتاق لك وانت قدامي علـى فكـره
يعني تصّور بغيباتك وش أخبـاري ..!!
ملامح السعد قبـل أعرفـك منكّـره
واستوضحت يوم شفتك يابعـد داري
أبواب قلبي على الضيفان منسكـره
وأعذاري انك هنا .. يامسمن اعذاري
ياعين حـرٍ نـداوي معتلـي وكـره
ياجملةٍ مـا تعـب تكرارهـا القـاري
يزين فيك البحر والقـاف والفكـره
لولاك ماشفت حيٍ يطـرق أشعـاري
جاورت روحي .. وقلبي صرت محتكره
والقلب قلبك وخذ راحتك ياجـاري
سلمتك رشا الهوى والدلـو والبكـره
وانا لك البير وأغرف كامل اسـراري
وان كانك تسوق لي من الغلا بكـره ؟
قد سقت لك من صميم الخافق أبكاري
سويت فيني جميل أعجز على شكـره
علمتنـي ان الليالـي متعـة السـاري
وعلمتني كيف أحب وكيف ما أكـره
وان التفائل يلبـس حظـي العـاري
إلا بقا شي ياغالـي : علـى فكـره !
ترى حياتـي بدونـك مالهـا طـآري

سعد علوش

صبح الوداع , ,



ما زادني صبح الوداع إلا شتاته

في عينه الدمعات تخنقني وبكيت .



لا ﺫلني صمته ولا هيبة ثباته

اقفى على ريق السهر ،يومي قفيت



خلوه يصحى ، قدّ ما مات فـ سباته

وان هو غفى بكيفه ترى عنه عفيت



خلوه يتركني قبل ما أكره صفاته

ياما بكت فيني الليالي ولا شكيت



مثل النخيل اللي تحرمه من نباته

مهما قسى يعطي و يحزن ان سليت



عودت حلمي لا انتهى ادفع زكاته

يا ليت القى لي حلم كل ما صحيت .



اشبع وماجاني العمر إلا بـ فتاته

انسى واثاري الناس تـﺫكر ما نسيت



يا ربْ لـَ تطوي ﺫكرياتي من حياته

حتى ونا ما ابغاه لي عمرٍ وفيت



باكربـ تفضحني القصايد في وفاته

لاصحت قدام الوصايا وانحنيت



لاني بنت عمه ولاني من خواته

ياهو صعب اسكت ع كثر اللي حكيت



قولو لـ أمي ،لاحرمتني من فراته

اني شربت النيل لكني ظميت



هو كان يعشقني كثر عشقه لـ بناته

حتى ولو ما قال فيني ربع بيت



والله تعبت اخفي عن اخواني غلاته

ياليت مت وما نفع لجلي فديت



خلوني اسكت ،لين تسمعني جهاته

بعض الصدى يهدم وانا ما قد بنيت


للمبدعة اصيلة المعمري