"


هالدروس تمر و بّه درسٍ يمر
بس معك من دون تفتح كتاب

عز نفسك بالكرامه .. والقدر !
احسب لنفسك قبل غيرك حساب

من يحبك ما طعن ظهرك غدر
مايهينك لو على .. حدّ الرقاب




ذآئقه

يا مكثر غيابك و يا قل صبري
عليك يا من صرت في الحب جبار

يا مُكْثِر غِيابكَ وَ يا قُل صَبْرِي
عَلِيّكِ يا مَن صِرتِ ڤِي الحُبّ جَبّار

ماني بمثلك لوك تشوف صدري
تلقى تحت ضلعي من الشوق نوار

تدري بغلاك و ليت ما كنت تدري
كم أقبله عذرك و لو مالك أعذار

طيفك مع ذا الليل مشتاق يسري
ليتك مثل طيفك لي تبوح الأسرار

عفت الغفا و النوم ما عاد يطري
ونجوم ليلك في السما تشع تذكار

مشتاق لك يا أغلى سنيني و عمري
تعال لا يفنى رصيدي في الأقدار

وتقول بدري ليتك تحس بدري
سنين مرت كلها جمر و نار

وانا اتصبر و الصبر مل صبري
و انته مثل ما انت في الحب جبار

يا صاحبي لا تحسب الكبر والزود...يضفي على المغرور هيبة وزينة

ثوب الكبر خرزة من الذل مسرود...من يلبسه حق على الله يهينه


أنشد وخبرني ورى ابليس مطرود...من رحمة اللي كلنا مرتجينه


مافي النصايح ياولد والحكي فود...لي صار ما للقلب عقل يعينه


الكبر للي داول البيض والسـود...اللي جميع الكون قبضة يمينه


ماهو بـ للي كل ما منه محدود...مخلوق من ماي مهين وطينه


يا سعد من ياطا على الخد بركود...يرفق وفي مشيه وقار وسكينه


ماغرته نفسه ولا طاول الطود...يخفض جناحه والملا رافعينه

مع خالص الود والعرفان
شكرا جزيلا من اعماقي

تبي الصراحة انا الغلطان
اللي كتبتك على اوراقي

حبك مثل وردة البستان
اللي وقف عنها الساقي

كانت حكايه وكان وكان
أخيه يا هقوة الهاقي

من ثقل حملك على الامتان
اخاف لا ينكسر ساقي

حفلة وداعك لها ضيفان
دمعي وانا واصدق اشواقي

من بيننا نقسم الاحزان
الله على جونا الراقي