اكتفيت بوجودك.. لين عشتك حياة
شوفتك نور بدر.. وبسمتك ممتعة
.
.


كل ماجيت ابحكي عن غلاك ومداه
ضاع تعبير شوقي ماقدرت اجمعه
.
.


في عيونك بحر بين الغرق والنجاة
حتي رمشك علي خدك رقد من سعه
.
.

كل مايمرني طيفك بكل اتجاه
ينحني لك شعوري وارفع القبعة


.
.
‏حظ من حطك بجوفه وسكرّ غطاه
حتى صوتك ما وده بالعرب تسمعه
.
.


من يحبك وربي من غرامك عطاه
وش يبي من حياته غير شوفك معه



https://www.************/watch?v=w1pc7c-7Ltg

لا يطوِّل غيابك ثم آخذ عليه
لو تخلَّيت عنَّي عنك قلبي تخلَّى

العذر والتعلِّل والحكي ما نبيه
من تحرَّك فؤاده بالهوى ما تغلَّى

طبعي الصبر لكن وش عليه أرتجيه
من طويل الصَّبر يعقوب وأيوب ملَّى

دامني حي عطني وش بقى نحتريه
ما أبي دموعك الَّلي عقب موتي تهلَّى

ما بقى بالعُمُر مقدار ما راح فيه
كلِّ ما زلِّ يومٍ يوم بالعُمر ولَّى

ما يعرف الجمر مثل الذي يكتويه
أحد يدفى بناره واحد فيه يتصلَّى

يا من القلب حطَّيته براحة ايديه
ما رِضى له مكانٍ غير كفَّك محلاَ

كم تعذَّر وعيَّا عن هوى مهتويه
لين طاح بيمينك بالغرام وتجلَّى

http://forum.mn66.com/imgcache2/794337.gif

كل ماجيت اكتبه اول سطر
ترتجف يدي على كلمة وداع
والقلم ينزف من الرجفة حبر
ينثر دموعه على بيض الرقاع
كل ما امليه يرجع ينتثر
كنه الي يرفض اسباب الضياع
والورق مابين يدي ينتحر
يرمي بروحه على جال النزاع
كنه المصدوم من وقع الخبر
احترق حرفه على سطره وماع
وش اسوي كانها حزة قهر
تفقد التمييز في لحظة صراع
لكن التفكير في العقل انتصر
وابتدا لانوار مشرقنا شعاع
بس هذي سالفة احدى الصور
سولفت لي قبل لوحتها تباع