حيت ياغصن ريحان متندي
يا نعمة من غشته تحمدها
كم فرصة بلقاء فيحت صدي
حتى طيوفك عجزت اتصيدها
اتهدي و أطوف وطوف واهدي
كان الجفار فرحةٍ لك تعمدها
واليوم عودت شفق ومن قدي
مادمت عودت فاحذر تعودها
البرد قارص ودي ولا ودي
عزاه من نوتٍ حن رعدها
اترد يديك تشعم النار في يدي
لا تؤمي اليد وروح في يدها
و إن ضقت همل دموعك على خدي
همل دموعك وأنا باتنهدها
ومع غيرك الوقت واقف ولا يعدي
دقائق معك ودي ازودها

https://www.************/watch?v=Xf2e5utfYWg

يا سحابة قابلتني على شط البحر

البحر مالح وهي تحمل الماء القراح

مر تشبعنا ضمأ و مر تغدقنا مطر

برقها نوره لمع ما معه رعد ورياح

المطرينزل خصوصي على نوع البشر

خيرها من طيبها يحيي الأرض البراح

الربيع

هذا الصباح اللي بدأ حر وغبار
ينقصه من وبل المراديف همال
يا الله بليلٍ والمطر فيه سبار
كن السحاب ايعانق الأرض شلال
وايزين في الصحراء حكاية و مسيار
ونقضي فرحنا بين راحة و تجوال
بين الغصون أللي نمت توها اصغار
و بين الزهور و بين جلسة و موال
ساعات نمشي بين وردات و أثمار
و ساعة نشرف في نقى عالي الجال

الربيع

ساقتني الذكرى على ذيك الأيام
وابحرت في ذكرى الليالي القديمه

يوم عمري دون خمسة عشر عام
والنفس من كثر المشاكل سليمه

ماكنت أخاوي الليل والعالم نيام
كن السهر عندي من اكبر جريمه

ماكنت أعاني هم وجروح واوهام
كن المشاعر من خفوقي عديمه

أقوم من صوت المؤذن ليا قام
مرتاح مع شوف الصباح ونسيمه

اكبر طموحي ألبس شماغ بسام
واروح به لصارت أقرب عزيمه

وعلى تراب الأرض بالعود رسام
رسم الطفوله والقلوب السليمه

واليوم دار الوقت وبالوقت منظام
شفت العجايب بالليالي العظيمه

شفت القرايب تزرع أشواك وألغام
وعلاقة الجيران ماهي حميمه

ماتت مابين الناس وصلٍ بالارحام
والاخو صار أخوه ضد وخصيمه

والكذب شاع وراعي الصدق ظلام
وكثر الكلام وكثر هرج الشتيمه

إن كرهوك حطو خطاك كنه ادهام
ولامن بغوك أبدو قلوب رحيمه

حتى اللي بقبره غدا جسمه عظام
ماسلم من قول القفى و النميمه

ماشفت بينته على رووس الاقلام
والعمر يمضي والليالي مقيمه

العمر محدود وتال العمر خام
ويارب تجعل خاتمتنا كريمة ...

منقول

يثيرني صوتك الهادي ويغريني
أهيم وأرحل وأسافر في مساحاته
يجتاح قلبي ويسري في شراييني
وينسى خفوقي على صوتك معاناته
تدري حبيبي ترى صوتك يدفيني
زعلان راضي يدفي بكل حالاته
سولف وضيع معك أجمل عناويني
مافيه غيرك عسل حرفه على شفاته
يهدمني الصوت كل مره ويبنيني
ويعيش عمري قبل تشرف نهاياته
في الحب كلي معك سلمتك يديني
وأنا الهوى دارسه وأفهم بلهجاته
فداك روحي وعلى كيفك توديني
ماأقول دربك حبيبي وين وجهاته
خذني من الليل بأحضانك وداريني
بتظاهر الخوف من ليلي وعتماته
أهتم فيني بعد عمري وغطيني
الناس ماتدري عن العاشق ونياته
بين الغزل والوله والشوق خبيني
عن التعب والسهر والجرح واهاته
العذر واضح ولو ماعاد يمديني
تشفع براءة طفل عظيم غلطاته
وأن حس قلبي حنانك إلتفت فيني
وتشوف واحد كلامه وسط نظراته
أحكي لك الحزن والحرمان وسنيني
وبتعيش غربة مسافر من بداياته

ياقلبي اللي ثعا فيك ابنك البـار

ماخربك بس ماعادك بصالـح

يزل وتألف لزلاته اعـذار

وتقدره قدر عبدالله و فالـح

أنا أشهد إنك كبير فعالم صغـار

وانا أشهد إنك عن التقصير جالـح

وانأ أشهد انه غبي وضعيف و(تكرمون)

من قاس قدر المشايخ بالمشالـح

لو ما الوجيه لنوايا الناس معيـار

ماشفت وجه(ن) يشع و وجه كالـح

ياقلب هذا عصر جاحد و غـدار

مافيه حب الفديع و طيب شالـح

قنّن محبتك والبوّار بـوّار

لو كان تعطيه شهد ؟ يقـول مالـح

مادمت على شفا حفره من النـار

درء المفاسد ولا جلب المصالح