من غيابك ابتدأ النسيان فيني
غمضت عيني غصب من غير طاعة
ساعة وحدة نسيتك من سنيني
وأنت من عمرك نسيت ألفين ساعة
كيف أبنسي وأنت فيني محتويني؟
وأعتبر كلمة نسيتك لي قطاعة
لا تصدق قبل ما تعرف يقيني
اسألِ الخلوة ومشراف الرفاعة

يا مسوي الفنجال صب الفناجيل

خل الفرح ياصحب الكيف يزداد

أنا رفيق العود والبن والهيل

راسي على صنعة هل الكيف معتاد

أثبت وجودي بين جمع الرجاجيل

بالرفق والحكمة مهو جبروعناد

خيَّال ما راحت علي شرَّد الخيل

أرفع لها بالصوت وتعود ورَّاد

لو كنت غايب يا الغلا لك معزّة

بين الضلوع ألي حناها الغلا حيل

القلب يعشق و الزهر يستفزّه

ذيك الورود ألي على ساقي النيل

أحيان غصن الموز قاس(ن) مهزّه

وأحيان تسقيه المخاييل ويميل

يا سحابة فوق ذيك الغصون الضامية
أمطري زيدي مطر يحييي الأرض الجفاف

زين رشات المطر مالسحاب السامية
جوها صافي نقي لا عجاج ولا خلاف

لا باس يا رمية الروض لاباااس

عندي رضاك ولجل عينك هدية

لا يدخلك شكٍ وياسٍ ووسواس

جيتك وفاءواخلاص والشمس حية

من جرب اللؤلؤ ولَلْماس والماس

ما راااام في دنياااه غير النقية

أسري معك هوجاس واحساس وأنفاس

وأصبح رهين أقواالنا العاطفية

يمك الشوق انحنى يوم حبك فيه ساد

والسرورإن غبت عني معك غاب السرور

من سرى في ليلة البدر ما خاف السواد

ومن رقا في قمة المجد نوره زاد نور

يمك أحلامي سرتبي على خد الوساد

وناولتني عند بابك مفااااااااتيح العبور