‏أنا لي مع أهل الشعر وقفة و لي مشوار
أحب الشعر و ألي على الشعر يجذبني*
أحاكي* شعوري مع خيالي بدون حيار
و أحب الطرب و ألي لسوقه يرجعني
الوسم

أنا خبير و خبرتي حسب النظام
وأخطي وأتوب و توبتي في حينها

و الروح في حب العذارى ما تلام
ناس تلوم أهل الهوى وش دينها

أحب صافي الخد معسول الكلام
ألي تنقش بالخضاب ايدينها

و أنت غزلجي تكتب بيوت الغرام
وتشكل الوردة مع تلوينها

يا نجم يومك ف الشعر عال المقام
بسألك عن نجم الثريا .. وينها

إن شفتها يا خوك وديها السلام
و احذر على الغفلة تطالع زينها

يا طيبك يا النجم الضاوي

يا أبو ضاوي وش تحزر وش تقول
و أنت تدري بالخفايا و المرام
أتغزل في هوى ضبيا جفول
وأتمنى نظرته لو ف المنام
لو تناظر غمزة الطرف الخجول
قمت تشكي يانجم وخز السهام

المشاعر لو حكت لك وش تقول
شيء أكبر من مجاميع الكلام
الخواطر و الهواجس والعقول
إمتلت لأجلك محبة و احترام

إن كانه الحب الحقيقي يا سلام
و إن كانها للتسلية يا شينها
و إن كانها للشعر وبيت الغرام
فالشعر عندي منبعه تكوينها
ما دامها تثير فيّ الأهتمام
تكرم عن التهمة و تكرم عينها
قولوا لها يا ألي تودون الكلام
ما نقصر الخطوة أبد من دونها

وش رايك نركب الجيب و نروح
حسب رايك و الطريق ألي تبي
نطوي الروتين و انفل الطموح
و نشكر الرحمن وابليس ايهبي