مدري أنا وش غاية ارضاك مدري
مع زحمة أفكاري تضيع الهقاوي
إن جيت لي بالطيب سوقه بصدري
و إن جيت لي بالحب تلقى الهواوي
و إن كان في سوق المفاليس تشري
ما ني على كره الأجاويد ناوي
يا زين كانك فاهمٍ و امتحضري
و فكرك على كل الثقافات حاوي
فخل السرور يطول والليل يسري
و السالفة عطر و بخور و حلاوي

يا نجد يامزين ربوعك وطاريك
أشتاق لك يانجد والله يشهد
أعشق رمالك حيل وأهوى صحاريك
وأنشد هواك ألي معه ريحة الند
تسكن وسط قلبي وأنا أسكن مبانيك
وأذكر فخر ماضيك و أعيد و أعد
حبٍ ثبت لك فيك منك وحواليك
ما هام في غيرك محبة ولا لد
لو كان من حرك شوتنا رماضيك
فيك الوفاء والطيب سابق ويولد

يطيح المطر و الغيم في منزله ما طاح
و يطيح الورق من راس غصنه و هو عالي
ما دام الشجر تفاح ينتج لنا تفاح
و بعض الشجر حنضل ولا ينتج الحالي

يا هاجسي هون علي وارفق اشوي
لا تذكر* الفرقى و ينحاس ذاتي
ويا ليل هدي من همومك و بقي
يا مصعب الفرقى على من سواتي
شمس الضحى أرجي لها في العمر في
و نور القمر في الكون يُسْعد حياتي
تدرون ماذا تعني الشمس عندي
و تدرون وش يسوى القمر في حياتي
و تدرون لو غاب القمر وش بقى لي
من ريحة الجنة وباب النجاتي
وتدرون من يسكن غلاء القلب من هي
نبت مع صغري وطال النباتي
؟؟؟؟؟؟؟

على طول الطريق وقسوة الأيام والتعقيد

تسكر في صناديق الضماير كافي وميمي

أبي أمشي أبغير أبي أرحل بلا تحديد

كفى من زحمة القرطاس والأجراس وأقلامي

تفضل جملة أوراقي بلا مهلة ولا تمديد

عرفت إن الدهر مايل وخابت جملة أوهامي