............

شاعرك غنى على طيفك لحونه
ثابت(ن) حبك ولا يبرح مكانه
عهدك أللي يحتفظ به ما يخونه
حافظ سرك وراء عظمة لسانه

يازين جيتك شوق مـ الرأس للرأس
كلي وفاء واخلاص والشمس حية
من جرب اللؤلؤ ولَلْماس والماس
ما راااام في دنياااه غير النقية

أحيان أقول إن غيبتك شيء عادي
وأضغط على أعصابي و أكابر زيادة
وأقول من هي من تكسر عنادي
و أنا سلالة طيب من روس قادة
وأحيان أغير من غلاك إعتقادي
وأنزل لك برأسي ضعيف الإرادة
خصاً ليشفتك طليق الأيادي
تمشي دلع ما بين طيش وركادة

قل كلمة (ن) لا تسمعها لأحد غيري
وأنا عطيتك عهود(ن) ما تجي غيرك
عسى تجمل عهودي كل تقصيري
وعساه يمسح كلامك كل تقصيرك
ويجيك بأرض السعادة حايمٍ طيري
بأجمل طقوسه ويمسك في شبك طيرك

أطير لجلك فرح وأهب لأجلك عبير
وأختار جزل المعاني وأتغنى بها
أهز غصن الندى وأشم ورد الغدير
وأنظر عيون الغزالة وا تحلى بها
واتخيل الغايبة بعيون طفل صغير
وأشوف لمحة مواريها مع غيابها