يا زهر نبت الربيع ويا غصونه
ويا هواه أللي تمشى في كيانه
ويا ذراه أللي على ساقي عيونه
ويا ثمر خوخه وتينه ورمّانه
يانسيمه كلما هب وسكونه
يا جذوره في ثراه و يابيانه
شاعرك غنى على طيفك لحونه
يثبت بحبك ولا يبرح مكانه
عهدك أللي يحتفظ به ما يخونه
حافظ سرك وراء عظمة لسانه

يا سما لو غاب نوك ما يغيب
نجمك ألي ثابت بأقصى الشمال
الجدي رمز الوفاء لك يا الحبيب
مثل ما يثبت مع الشمس الظلال

ياساري الليل وينك ما بدا نورك
لوغبت سود الليالي من ينورها
ليتك تعرف الحقايق وسط طابورك
أو تسأل الناس عن خافي سرايرها
أنت السعادة ليا طبيت في دورك
من رام ساعة هنا جالك يدورها

نوري يا نجمة الليل في ظلمى سماي
نورك اللي في عيوني مشيته لا يغيب

خلي أزهار الحديقة تلون في رضاي
وخلي طيور السعادة تغني ف العسيب

يا ساري الليل وينك ما بدا نورك
لوغبت سود الليالي من ينورها
وقت الفرح و السعادة لبدأ دورك
من رام ساعة هنا جا لك يدورها

البارحة غنيت في أرض(ن) خلا
أراقب أنوار السواري والنجوم
إن كان من غنيت لعيونه درى
وإلا ماعاد لجرة الشيلة لزوم
فوق المكان ألي على الأرض اعتلا
أرفع بطول الصوت للنايم يقوم