-علّمتني سوة يوسف :
"أن الجبر الإلهي إذا تأخر ، لا يأتي عادياً أبداً" .

اكثر شخص مو طايقته هالفتره
هو الي يجني على نفسه مصايب بنفسه
ومعكر حياة غيره بسبة غباءه
طبعا محد يحب يجيب لنفسه مصايب
لكن في شي اسمه "دورات"
لا تدخّل راسك بشي ما تعرف له
روح تثقف الله يخليك قبل لا تبلش عمرك
خذ لك دورات عنه وفكنا


المهم..
في معلومه عندي من زمان قلت لازم اعلمكم عشان تستفيدون
يقولك..
ثلاث مشاعر بالانسان مسؤوله عن الامراض
سواءً امراض جسديه او نفسيه
مسؤوله عن بداية اي مرض يصيب جسمك

اللي هي :
الخوف + الندم + الخجل

طبعا كلنا نخاف ونندم ونخجل لكن بشكل طبيعي
اما اللي عنده هالمشاعر زياده عن اللزوم الله يعينه
لانه من عرفت هالمعلومه بديت اركز فيها
وفعلا لقيت الي مدمور نفسياً وجسدياً يكون اكثر شخص يخاف من اي شي ويندم على كل شي ويخجل بشكككل

خلاصة الكلام
حاولو لا تخلون هالمشاعر تتغلب فيكم
وعلى قولة المثل هوّنها وتهون
ما له داعي السيناريوهات الزايده

الله يكفينا ويكفيكم شر الامراض

وايضا عندي معلومه اخرى
اللي فادتني كثير يوم طبقتها على نفسي
راح اكتب لكم بعدين
> عين مفتحه وعين مغمضه

تمسون على خير

"كُلّ سبُل الارض لن تستطيع ان تقف امام خيرٍ اراده الله لك"

.
.



فاطمئن

امس نمت العشاء ساعة 10 وربع تقريبا
وصحيت الساعة 3 بالليل
ورجعت نمت الساعه 5 الا ربع
وصحيت بعدها بنصف ساعه يمكن او اكثر
بس ياخي كمية السعاده بهالنوم
جاني حلم قسم بالله اني بمجرد جيته سعيده

الحلم عباره عن شي تفسيره يعتبر بشاره
السعاده والبهجه + الامان والطمأنينه + الفرج القريب

عاد اقولكم لي كم اسبوع احس قلبي ناغزني
كني مسويه شي غلط
او اني ظالمه احد
مدري .. الزبده الشعور مره مقرف
انك تدور سبب لتانيب ضميرك ولا تلقاه

لذالك متامله زود بالفرج القريب بعد هالحلم
انا من النادر يجيني حلم
اغلب احلامي احلام العصر
او حلم له تفسير واضح كوضوح الشمس

والحمد لله على الطبطبه الإلهية

"رحم الله من يمر بفترة عصيبة ولم يفقد لُطفه مع الناس ، وكأن ألمه زاده لينًا"

يالله كمية الراحه بهالليله