|
:: قرار هام :: |
إضافة رد |
| LinkBack | أدوات الموضوع | انواع عرض الموضوع |
07-18-22, 01:11 PM | #277 | |||||||||||
| حبيباتي دققو فوق الخط الاحمر الي بالصوره انا يوم اقول تفاصيل صغيره ما اقصد التقييمات التفاصيل الصغيره هو اني احب اسم مدونتي يكون بملفي من فوق لتحت وما يقاطعه اي موضوع آخر اما التقييمات تفاصيل جدا جميله والبعض منها تصنع يومي على قولتهم ويسعد مساءكم | |||||||||||
|
07-29-22, 11:11 AM | #278 | |||||||||||
|
يالله هدتني السخونه اعذروني ياللي ما قدرت ارد على تقييماتكم انا التصويت ما مداني اصوت توني استفيق مع اني دخلت اكثر من مره بس دخت وطلعت العام داهمني كرونا قبل الحج من بعده هذه ثالث مره تجيني سخونه والا كنت من النوع الي كل بين سخونه وسخونه كنت اخذ فترة سنتين اقل شي بس يالله الحمد لله قبل انسى شكرا لكم على التصويت صعفق طاش كندي & احمد العالمي & متأمل والصدق اني فرحت على المصوتين اكثر من التصويت نفسه يا جعل ربي يسعدكم | |||||||||||
|
07-29-22, 01:49 PM | #279 | |||||||||||
|
على طاري ام حسن ههههه والعين والحسد امس شفت اسد بحلمي > اول مره تشوف ويوم استفسرت قالو لازم التزم بآيات العين والحسد عاد يبيلي ادور احد يقرا علي كل يوم ويحصنني احس البلاوي كلها تجيني بسبب اني مهمله في موضوع التحصين | |||||||||||
|
08-01-22, 02:20 PM | #280 | |||||||||||
|
ي عيني ع التوقيع الجديد تفاجئت يوم دخلت هنا اقول في نفسي مين ذي الي خاشه مدونتي اثر الاداره حاطين لي توقيع المهم جايه من قسم همومنا ومشاكلنا قريت موضوع (اخذها كزوجه صعبه) صراحه ما استغربت من كلام صاحب الموضوع كثر ردود الاعضاء بالموضوع نفسه مدري مستغربه من استغرابهم هو مجتمعهم غير عن مجتمعنا والا وش السالفه انا من وعيت شاب راسي من هالقصص وهنا كل الي ردو بالموضوع حسيتهم متفاجئين !! لدرجة ان البعض يحسب الموضوع وهمي ههههههههههههه معليش جلست اضحك وانا اقرا ردودهم المهم.. في مثل هالموقف بنظري الغلط كله يرجع للبنت مو معقوله كيف اربع سنوات وهي ما حست انه قاعد يلعب عليها !! > وين راحت الحاسه السادسه الي عندنا وطبعا هو والي شرواه الغلط راكبه من ساسه لراسه لكن دايما في مثل هالعلاقات انا اشوف المبادر بالغلط هي البنت نفسها يعني موش ممكن انو اي علاقه تبدا من غير (الضوء الاخضر) من قبل الستات وهذا الضوء الي والله يوديهم بستين داهيه من حيث لا يعلمون وادناهم هالموقف (اخذها كزوجه صعبه) الي انحطت فيه هذيك المسكينه | |||||||||||
|
08-03-22, 03:23 PM | #281 | |||||||||||
| انني هنا لي اكثر من سنه ونص ما جيت المدينه عشان هيك عم احس حالياً اني اسعد انسانه بهالكون | |||||||||||
|
08-07-22, 03:04 PM | #282 | |||||||||||
|
طبعا قبل كل شيء الف الحمد لله على سلامتنا تو كملت نومي عقب السفر الشاق والمتعب عاد ما احتاج اشرح لكم كثير بالي صار معنا بالسفر لانو مدونة صعفق طاش كندي تشرح لكم النص، والنص الثاني اشرح لكم انا *https://www.al2la.com/vb/3164017-post1405.html عاد الخطه كانت العمره قلنا اول شي نزور المدينه وبعدها المكه والعمره يوم جينا نطلع من المدينه رحنا وادي الروحاء< كانت من ضمن الخطه عاد الي ما يعرف لازم يبحث عن هذا المكان ويزوره، عني انا حسيت بانجاز يوم قريت عن هذا المكان ويوم دريت انه وادي من اودية الجنة< كانت اول زياره لي واهم شي شربت من موية بئر الروحاء المهم كان كل شي على ما يرام لين وصلنا بدر ويوم جينا نتعشى الا وواحد من عيال اخواني طاح علينا فجاه اتبهدلنا بالاخير وديناه المستشفى، قالو لازم يجلس 24 ساعه تحت الرعايه (المشكله ما كان فيه اي سبب واضح لطيحته) جلسنا محتارين بالسياره ما ندري وش نسوي نستاجر لنا شقه والا ساعتين ونمشي، وراحت علينا ساعتين ثلاث بالحيره (وانا الي ذبحني هناك الجو المكتم لاني كنت قادره اجلس جوه السياره ولاني كنت طايقه الجو بره لانو اساسا تخنقني اجواء المدينه الي فيها بحر او الي قريبه من البحر، الجو المدبك يخنقني) المهم سوو للولد تشيك آوت من المستشفى يوم شافو وضعه تمام وجينا نمشي الا السما بدت ترعد وتبرق، وذاك الهوا القوي ومع الغبار، يعني الكراسي والاشياء الثقيله كانت تسبح في الارض من قوة الهوا تقول اعصار فعلا ويالله طلعنا من هناك الا المطر بدا ينزل وانقلب الطريق سيول ويالله يالهواجيس مشينا كم متر وغرزنا وبنفس الوقت وبنفس الطريق غرز اخوي سيارته ورانا (كنا 3 سيارات) الثالثه ضيعناها باول الطريق، عاد ما اقدر اوصف القلق والتوتر الي عشته، كنا مغرزين من تحت ومن فوق امطار قويه وصوت الرعد وخيوط البرق بالاخير دق اخوي ريوس بكل ما عنده وطلعنا عكس لين مسكنا الخط (الي ما يعرف طريق بدر هو خط واحد للرايح والجاي) كانت الدنيا مغبشه ي دوبك تشوف مترين قدام والسياره جايه من قدام بعض ما تدري مين يجي يصقعك او انت تصقع احد عاد ما خليت دعاء وما قريته، تبت وتشهدت وتصدقت ههههههه وقتها دار ببالي كل انواع الحوادث الي شفتها بحياتي المهم استمرينا واستمر معنا المطر لين محافظة رابغ وبعدها خف الزبده السفر الي يقطعونه ب 4 ساعات قطعناه ب 16 ساعه لكم ان تتخيلو التعب والمشقه ما عليه اهم شي الحين انا في بيتي وتحديدا بفراشي ومكمله نومي تسع ساعات والحمد لله دائما وابدا هنا حددت لكم بالخط الاسود المكان الي انحشرنا فيه والخط الابيض الي قطعناه تحت المطر عاد الصوره سرقتها من مدونة صعفق هههه | |||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||