اول مره يصير معي انه امس كان يوم ميلادي وانا دوبي اتذكر الحين > دليل ما عندها وقت تحك راسها
طبعا ما عمري جتني هديه ولا قد سويت حفله واحتفلت ولو بكيكه صغنونه في هذا اليوم بس انه دايما يكون في بالي
كل سنه اجلس اتخيل واتامل واروح افاجئ ماما واقولها يمه مبروك تتربى في عزك ان شاء الله تقول على شنو تحسب انه صدق فيه بشاره جديده هههههه

عاد انا من مواليد يوم الثلاثاء
دايما اهلي يطقطقون علي بسبب اني مولوده فيذا اليوم
يقولون خُلق المكروه يوم الثلاثاء

لكن انا حبي ليوم الثلاثاء غير
صحيح احب كمان يوم الاثنين والجمعه ويوم الخميس بسبب الاجازه لكن الثلاثاء عندي يوم مميز احسه كذا يوم هادئ ودافئ وكافي خيره شره وعلى قولتهم لا ينكد ولا يسعد احد
وطبعا فيه تشابه طبع بيننا احسني حرفيا كافيه خيري وشري

المهم لي 25 سنه وانا حاقده على راعي البقاله
بعلمكم سالفه ولحد ياخذها طقطقه ماني ناقصه ههههه
يقولون يوم انولدت جدتي ارسلت اخوي البقاله عشان يجيب الكيكه > عاد مدري وش نوع الكيكه الي كان يجي من البقاله وقتها

المهم وراعي البقاله تلقف وسال اخوي على شنو فرحان وتبي الكيكه ويوم درى قال فرحانين على انه جاكم بنت !!!!! عموما التمس العذر لاخوي على انه ما رد عليه بسبب صغر سنه والا لو الحين متاكده كان جاه رد كذا ............. هههههههههههههههه

المهم صباحكم ومساءكم رضا وسعاده

عاد وحشتني مدوناتكم بزااااف
لي اكثر من شهر وانا ما دخلت الا مدونه ومدونتين
هالحين بقعد لكم قعده اصبروووو هههه


المهم نسيت اكتب لكم التاريخ الميلادي تبعي
بالهجري 1415/5/20
بالميلادي 1994/10/25
احس تاريخي مميز حبتين ما هيك؟

شسمه لاحظت اني كاتبه فوق اني حاقده من 25 سنه
قلت لازم اعلمكم انه هذا مش عمري هذا سلمكم الله (عمر الحقد) الي انزرع تجاه راعي البقاله

طبعا مافي مانع اني اكتب لكم هنا عمري الحقيقي من ورى الشاشه
لو بالواقع مستحيل اعلم احد الا الدكاتره
ما احب اجلط الناس ع الفاضي
اول يحسبون اني اكذب عليهم واكبر عمري
لذالك الحين يوم يسالوني اجلس اكذّب عليهم واقول لهم على حسب توقعاتهم
طبعا مش بس انا حتى خواتي ونجلس نكذّب عليهم بالترتيب ههههه
خواتي كلهم فوق الثلاثين عداني والي بعدي
ومحد يبان عليها عمرها تقول حرفياً شلة المراهقات هههههههههه
ويوم يسالنا احد كم اعماركم نقول وننقص اعمارنا على حسب ما تقول اكبر وحده من بيننا

مره من المرات وحده من خواتي الي اكبر مني 7 سنين قالت انا عمري 23 والي بعدها قالت 22 وانا قلت 21 والي بعدي قالت 20 جلست المراه حيرانه تقول لامي جبتيهم كلهم بفرق سنه وماما ما عندها كيني ميني على طول افضحتنا هههههههههههههه

اختي الي بعدي اخر العنقود للحين تسوي يعنني كبرت وما تخبي عمرها احيانا لما احد يسال هي على طول تعلم عمرها واحنا نتبهدل وعلى حسب نكبر
ان قالت 25 اقول انا 27 والي اكبر مني تقول 28 وهكذا

واحيانا ننقفط لما وحده من اخواتي الكبار تكون مكذبه عليهم بعمر اصغر وانا اجي اقول عمر اكبر هنا ننقفط عيني عينك هههههههه
لو بيدنا نقول توائم وننهي السالفه كلها ههههه اعرفهم يصدقون

على فكره انا ترتيبي الخامس بين خواتي لذالك احس اني لازم اعذر راعي البقاله على تفكيره القديم والله يعين بناته ان كان عنده بنات

صباح الويكندددد الجميل
ونسجل دخول لجل عيون ميهاف
اخر مره اتفقت معاها اني معاد اعيد هالحركه واغيب الغياب الفجائي على قولتها
لذالك قلت لزوم ادخل هنا واخربط شويتين بالكلام

المهم.. التقييم هذا يقول:

والله انكم ...... انتي وخواتك .. بس امكم ممتازه ما عندها خرابيط تفضحكم ههههههه / حي الله هـ الطله وشكرا والله على تقييمك الجميل ربي يسعدك .. على فكره كلها سنه وتشرفين عالم الثلاثين يعني ودعي ايام المراهقه خلاص ههههه

ياخي حرام انت كذا عم بترشرش الملح ع جرح مفتوح موضوع التوديع هذا عندي اصعب موضوع تخيلو عمر الزهور هذا ما عاد ارجع له ثاني ؟
اما ايام المراهقه ما اظنها بتخلصشي كذا بسهوله هههههه يعني لحد يشيل هم هههههه

ولو جينا للصراحه يعجبني عالم الثلاثين احسه اجمل وامتع مرحله من مراحل العمر لكن للحين مو متقبله فكرة الدخول لهذا العالم بسبب الفارق الكبير بين عمري وشكلي وعقلي
معليه المهم..



[rainbow]^
^[/rainbow]
سالفة انه الاغلب هنا يحسبني من جده ترا ما فهمتها صدق
يواد من جد ايش الهرجه ؟
ايش الهرجه يوااااد ؟

هههههه

ولو فيه احد باقي يحسبني من جده عادي يقدر يرفع يده

[اللّهُمّ رُدّ قُلوْبنا إلَيكَ ردّاً جَميْلاً]..

ينفع الحين اكتب مبارك عليكم الشهر والا ؟
يالله يا ذا المكان اللي وحششني صدق
المهم كيفكم شخباركم ان شاء الله طيبين ؟
وكيف رمضان معاكم ؟
انا رمضاني الحمد لله زي الفل متاكده ان احد داعي لي من هنا (فيس يبكي) ..
بعد ما صار لي العام كنت خايفه من طاري رمضان والصيام لكن اللهم لك الحمد والشكر
والله ان العافيه نععمه ما بعدها نعععمه
اسال الله ان يشافي ويعافي جميع من يعاني من مرض او اذى
وبس حبيت ادخل هنا واهنيكم كذا من بدري ههههه


عاد اكتب لكم بعدين كيف اني تشافيت وتعافيت بعد نفسياً > عشان تستفيدون

1444/10/6
اللهم لك الحمد حتى ترضى ، ولك الحمد اذا رضيت ، ولك الحمد بعد الرضى

.
.

ينفع اقول لكم الحين..
كل عام وانتم بخير ، وعيدكم مبارك ؟ ههههه
فعلا ودي اعتذر على قلة حضوري وعلى عدم ردي لبعض التقاييم بس دامني امون عليكم وذا اكيد ما يوصل الامر للاعتذار اكيد

وبس والله..
ما عندي حاجه اكتبها الحين
قلنا لا نتاخر بزياده وندخل ونهني

واسعد الله صباحكم ويومكم بكل خير وسعاده