06-22-20, 09:46 PM
|
#1311 |
آنثــى من عــالـــم الخيـــال | | | | | | | | الهوايه » السفر بين عالم المعرفه وروائع الطبيعه | | | | | | d تــــراتـيـــــل مخمـليـــــه ≃ التــــرتــيلــــه الــــــ 37 ــــــ ≃ THE ANGELES c
هون آكيد مابقصد الملائكة الحقيقين المبجلين (جبرائيل وميكائيل ... الخ)
بس بقصد صور ونحت الآنجلز يلي ع شكل آطفال وعندن اجنحه زغار
هيدول من زغري متعلقه فيهن ولحديت هلاء محتفظه بصورهن وبغرفه نومي عندي 3 نحت لـــ 3 انجلز بنات
وحده متل الآميرة قاعده ع تله ورود والـــ 2 يلي ع يمين بآيدا فيولون وعم تعزف الـــ 3 ع شمال وبأيدها قيثاره ,, والساعه الموجوده بحائط صالوني حاظنينو 2 آنجلز صبيان
وبغرفه تبديل ملابسي ، ع طاوله مرايا الميك آب موجود الآنجل كيوبيد وهوى عم يصوب سهمو ... ومرات لما بزيين حالي عم بص عليه وبقلو : وفر سهامك انا مرح آوقع في الحب بسهوله !!
غير هالانجلات الـــ 6 يلي موجودين بغرفاتي ،،، عندي صور ،،، كادويات وميداليات ,,, لوحات ،،، آكسسوارات ،،، تياب ،،، آيشارب ،،، ساعه يد ،،، عليهن صور او مجسمات آنجلز طبعا قبل ولحديت هلاء صادفت وعم صادف كم أشخاص (برائي عقولن مسكره ومنطقن فارغ) بيقولو انو هالشي مابيجوز ؟!! طب ليش بقا ؟!! يعني هلاء هالتماثيل الحلويين شو عم يفرقو عن الدمى او الدبدوبات يلي مبنحطن في غرفاتنا ؟!! بس كرمال هني آلن جناحات !! ولا شو بزبط ؟!!
بصراحه هالمنطق مابيقنعني بنوب !! وكمان في بعض العقليات بيقولو اذا حطيتي صوره او تمثال آنجلز فــــ حرام !! طب هالمره ليش بقا ؟!! وع آي آساس حرام !!
مآانا (استغفر الله) مرح اعبدهن او اطلب منن دعوات (متل مابيعملو الكريستيان أو المسيحيين) انا بحطن مجرد كقطعه ديكور جميله أو تحفيات مميزه ،،، ومن زغري تعودت بقا شوفن !!
وبوقت في آشخاص بيعتبرو الآنجلز بس للمسيحيين ،،،هيدا تفكير مش صحيح ,,, و الحقيقه آنو الملائكه بلاصل لكل الأديان منن حصر لدين واحد فقط وبتذكر لما زرنا طهران يلي هوى بلد مسلم وهني كتير بيستعملو آنجلز ... حتى مره رحنا لبارك فخم ورائع بس بدو مشي ع الاقدام ومابيوصللو سياره , كان جوات النافوره الكبيره مجموعه انجلز بنات بجناحات كبيره وطويله واخدنا معن صور بياخدو العقل !! من بعيد قشعتن (شفتن) ودغري متل المغناطيس سحبوني ... حتا بيي ضحك وقال لمامتي :شوفي تاتيانا كيف عم تركض كأنها طفله !!
وماما واخواتي وخالتي كمان اتصورو معن ... بس انا في لقطه صعدت ع سياج النافوره وقعدت بحيث اطلع في الصوره وسط كل الأنجلزات !! وبيي كل شوي عم يعيط علينا : هلاء الجنايني أو حارس الحديقه رح يجي ويطردكن ... هههههه وانا ولا كاني سامعه شي ولا حركه ... قاعده متل هالتماثيل !!
لما بحط شي براسي ... الآ بعملو وقررت اخد هيدي الصوره ... وطلعت منتهى السحر والجمال وانا بتوسط هالانجلز ... خاصتا لون البوردو يلي كنت لابستو ولون الوشاح البوردو مع الانجلز البيضاء عطيو ميكس بيرفيكت لقطه تحفه !! بس من زغري لحديت هلاء مبعرف شو سر تعلقي بلآنجلز ؟!!!
يجوز لانن مرافقيني من طفولتي
او يجوز هالانجلز عم يذكروني بالجنه
او يجوز لاني كتير حابه الطيران وباحلامي كم مره شفت حالي بطير بجناحات ، لهيك لما بشوف هالكائنات الجميله بتذكر حالي وحلمي وطيراني !! ✍............... a تـــاتــيـــانــــــا b |
|
|
التعديل الأخير تم بواسطة ŢαŢμαŊα ; 06-22-20 الساعة 10:05 PM |