06-30-20, 01:38 AM
|
#1329 |
آنثــى من عــالـــم الخيـــال | | | | | | | | الهوايه » السفر بين عالم المعرفه وروائع الطبيعه | | | | | | d تـــراتـيــــل مخمـليــــه ≃ التــرتيلـــه الـــ 38 ≃ حــواء الحـديـديـــه c
بصراحه صرلي زمان مابشارك بقسم (مشكلتي) ,,, بلآحرى ماعندي وقت آشارك , فــــ آعداد وتنظيم المسابقات وشغل الرقابه وتحضير فقرات مدونتي الحصريه ومواضيعي الجديده آخدين كل جهدي ووقتي وطاقتي , حتا سارقين وقت من حياتي اليوميه الحقيقيه كمان !!
بس قبل لما كنت برد ع بعض مشكلات هيدا القسم وبزمن ردي (ع مشكلات منتدايا الآول) ... كنت بتعاطف مع اصحاب المشكلات وبنفس الوقت كنت بتدايق كرمالن وكرمال سذاجة بعض الصبايا وثقتن العميا باشخاص صارو سبب معاناتن بعد ماكانو مصدر سعادتن .
استغفرالله انا مابحاسب الناس ع الغلط ،،، لاني بعرف انو كل الناس عم تغلط ،،، وبرائي ومتل ماقال رسولنا الحبيب محمد (عليه آفضل الصلوات والسلام) {كل بني آدم خطاء وخير الخطائيين التوابون}
وبس بدي قول .... متل ما بيقول المثل الكوردى (اذا مره غلطتت ربي يحاسب يلي آخدني ع الغلط ،،، بس اذا مرتين عمولت نفس الغلطه ربنا يحاسبني لالي لآني مآخدت درس من آول تجربه !!)
وبرائي كل إنسان عندو عزه نفس وكبرياء وضروري بقا يحافظ ع حالو (خاصتا النساء) يلي للاسف بيكونو اكبر ضحايا وقت بيعلقو مع المحتالين والمخادعين ، لا اهالي بياؤيهن ولا مجتمع بينصفن ويتم نكرانن من الجميع
(صبايانا مش متل صبايا الغرب لا في قانون بيحميهن ولا مجتمع يوقف حدن
وقت لا سامح الله بيوقعو في الغلط ,,, هون القانون الوحيد يلي بيحمينا هو فقط ديننا وعقلنا واهالينا وبس ) وبعرف انو في التكوين الجيني للمراه انو يمرق عليها اوقات بتحس بديق شديد وخنقه مندون اي سبب واضح ... سبحان الله ربنا هيك خلقهن وخلقنا !! وهالذئاب البشريه للاسف بيستغلو بقا هالنقطه بالذات وبيفوتو ع عالم هالصبايا من باب هالديق والخنقه , ومش غريب آنو كل حدا منن في البدايه بيعمول حالو ملاك نازل من السما , لحد مايكسبو ثقه البنات ويتدخلو في حياتن وبيتعرفو ع كل اسرارن ... وفي انواع مابيخافو من الله بيدمرو حياه البنات بأبشع طريقه والذئاب البشرية بنضري هالانواع :
1 يلي بياكل اللحم الطري وبعد مايشبع منو يرميه أو يهديه لاصحابو
2 النصابين يلي بيفوتو ع حياه الصبايا ليسرقو مصاريهن ومصاري اهاليهن
3 المحتالين لعاملين حالن بنت وبحجه الرفقه عم يستولو ع خصوصيات وآسرار الصبايا وبعدين يبتزوهن
4 عندن امراض نفسيه وحقد ع النساء عم ينتقمو بهالطريقه، يعلقو بنات الناس وبعدين يتلذذو بتعذيبن
5 المنتقم يلي سابقا في بنت عاطله ضحكت عليه يرجع يصب جام غضبو ع كل النساء وينتقم منن لحتى ينسى بقا فشلو وكمان مرح يقدر ينسى
6 في مزيج أو تجميع للأنواع ال5 سوا وهون اكيد آنا مابدي لوم هالذئاب ... هني حي الله ذئاب وشو بدنا نتوقع منن ؟!!!
بس بدي لوم هالصبايا يلي بيتأمنو ع هيك انواع
والصبايا الضعيفات يلي عم يربطو كل سعادتن ومصيرن بشخص واحد هو مجرد عبد من عباد الله !!
(بحجه الحب والمعشقه والغرام) ,, وبيقامرو بحاضرن ومستقبلن كرمال آوهام وسراب ......!!
وآكتر شي عم يزعجني آنو البنت تزت حالا ع شب ... والشب الف مره بيقلا مبدوياكي وهيا لزقانه فيه بالقوه ولاحقتو من محل لـــ محل ,,, ومابيخلي الولد يتنفس
(وتجي تعرض مشكلتا وبكل بروده بتقول : بليز لاقولي حل تــ يحبني ؟؟!!
حبك برص ... آتركي الولد بحالو وحلي عنو ... المحبه من الله مش بالغصب !! مرات بدي اعطي كف حرزان لهولي الصبايا لحتى يفوقو بقا من اوهامن وبدي اتركلن رسالتي :
{{ انتي غاليه وثمينه حاجه ترخصي حالك ... يلي مبدوياكي ماتشتريه بفلس
افهمي بقا ... يلي عايزتيك بالحلال وبدك تكوني مرتو وام ولادو مابيستعمل هالطرق الملتوية العاطله
اذا كان عنجد انسان شهم رح يدق بابك وباب اهلك ويطلبك في الحلال قدام العالم كلو ... ورح تطلعي بزفه كبيره وانتي مرفوعه الراس وكل الناس عم تباركلك ... لهيك حاجه توثقي بهالرجال }}!!
(هون مابقصد كل الرجال لان فيهم كتير شرفاء وشهمين) بس البعض منن عم يتنططو من ورده لـــ ورده واخبث نوع منن هوى يلي عم يضحك ع عقل البنات ويصيدن بهالطعم (انا قصدي شريف وبدي اتجوزك !!)
وبرائي اكبر حماقه لما البنت توقف بوش اهلها كرمال يوافقو ع الزواج
ونادرا (اذا مكان مستحيلا) هالنوع من الزواج يدوم ،،، والبنت رح تعيش ذليلة مهانه مع شخص مابيوثق فيها لانو اكيد مراح يقدر حجم ونوع تضحياتها لالو (الرجال هيك طبعن)
،،، بس يفكر ويقول :يلي مالها خير لاهلها ، اكيد مرح يكون الها خير لالي ويالسخريه القدر ... القله القليله من الرجال يلي بيضحو كرمال حبيباتن
للاسف يطلعو من حظ الصبايا اللعوبات المخادعات أو يلي مابيقدرو التضحيات. (هالشهاده لحتى مايفكرو اني عنصريه وبدافع عمياني ع البنات وبوقف بصفن ... بس انا بحكي الاحداث والوقائع متل ماهني بدون رتوش آو تجميل )
طبعا هون مابقصد (العشاق يلي فرقن النصيب والقدر وكان بيجمعهن حب طاهر بس بسبب رفض الاهل افترقو)
الانسان بيعيش مره وحده ... وكيفما ربنا وهب لالو نعمه الحياه ،،، هوى مجبور ومفروض يقدم لحالو نعمه العيش الكريم وقد مافيه يصون حالو من كلشي .
واخر كلامي ... مع احترامي الشديد لجميع الشباب والرجال المحترمين أصحاب المرؤات)
بس الرجل مش نهايه الكون ,,, ولا بطاقه سفر ولا عصا سحريه يحققلك الآحلام الورديه ... ومنو الهواء أو الماء لحتى نموت مندونن (وهون بقصد الحبيب وبعض الآزواج السيئين ,,, ومابقصد الاب والاخ والعم)
صحيح هني رح يكونو رفاق درب وشريك حياه ووالد الاطفال بوقت لما بيجي النصيب !!
بس برائي المرأة الحديديه هيا يلي بتعمد ع حالا وتسلح نفسها بالعلم والدين ... ومرح تنطر رجل يدافع عنها ويخدها تحت رحمتو ...
يا بنت حواء ... الله عطاكي عقل يوزن بلد وقلب قوي وذكاء فطري وروح شفافه ،،، استعمليهن واتمسكي بالدين والفضيله ،،، كوني قريبه من اسرتك ،،، وهيك رح تكوني في رعايه وحمايه رب العالمين ,,, لبينما يجيكي نصيبك معزز مكرم لحد بيتك ,,, وحتا لو ما آجا النصيب ,,, آنتي آنسانه كامله قويه وحكيمه ومستقله وبتضلي هيك ,,, بوجود آدم آو مندونو !! ✍....... a تـــاتــيـــانــــــا b |
|
|
التعديل الأخير تم بواسطة ŢαŢμαŊα ; 06-30-20 الساعة 01:52 AM |