نهار الورد لعيون الجميع
خاصتا ضيوف وزوار مدونتي الحلويين
هلاء آكيد مستغربين كيف آنا بهيدا الوقت موجوده بالمنتدى وفي مدونتي
مش من عوايدي ,,, وخصوصا اليوم منو جمعه ولا عطله

بكل صراحه رجعت من شغلي هلكانه من التعب ومصدعه ,,, وكان بدي شوي آرتاح
بس بالصدفه شفت من جوالي آنو 4 مواضيع جداد منزلين باقسامي (المنتديات الاجتماعيه)
حبيت آفوت ولو بشكل سريع ,,, آتابع وارد ع المواضيع وقدملن الختم
لآني مبحب التاخير ,,, وايمتا بكون موجوده بالمنتدى دغري بتابع وبرد ع مواضيع الاعضاء
ورواد آقسامي ال6 ,,, وحابه يحسو بقا بالتشجيع والدعم الفوري مني ومن المنتدى

لهيك هالنهار مع كل تعبي وراسي المصدع فتت وحمدالله كمت مهمتي
وفي نقطه 2 ,,, حابه اقوم بواجبي لحالي ,,, ومابحب اتعب حدا او حدا يقوم بواجبي
هيدي طبيعتي ومن زمان بدي دير آموري ومشاويري بنفسي (خاصتا هالاقسام ال6)
وهلاء بدي آخلد للنوم والراحه ونشالله رح بشوفكن بقا هالمسا

باك// حبايب قلبي رجعتلكن بعد النوم والراحه
صحيح زال قسم من تعبي وصداعي ,,, بس الله وكيلكن عم عاني من الارهاق الشديد
وحاسسه مهدوده حيلي ,,, قبل فصل الربيع كان بيردلي الطاقه والحماس
بس مبعريف هالربيع شو يلي صاير ؟؟ ولشو ماعم آشبه تــتيانــا

المهم مبدي آدوخ راسكن بآرهاقاتي وتغيراتي ,,, آنتو شو ذنبكن بقا
وهلاء بدي آقدم آعتذار كبير ومن كل قلبي ,,, لكل الرواد الغاليين يلي عم يحطو
مواضيع في الاقسام الـــ4 { الصور ,,, الحيوانات ,,, السياحه ,,, والتاريخ} يلي قبل كنت
آنا بقوم بتغطيتن ومتابعتن والرد ع المواضيع وتقديم الاختام

بس مع زياده مراقبينا الكرام ,,, ومع آنهال المشاغر والمشاوير الحياتيه والمنتدايه علىى
لهيك قل دخولي لمنتدى ,,, ومحبيت آقصر بواجبي تجاه هالاقسام الـــ 4 يلي كتير بحبن وبحترم روادن
ولاني عنجد بالوقت الحالي يدوب آلحق آغطي آقسامي الـــ6 في (المنتديات الاجتماعيه) + مهمه الرقابه
لهيك طلبت من مراقبينا الاكفاء تغطيه هلاقسام الـــ4 ,,, وحتى الرواد ماينحرمو من الاختام والتقدير والتشجيع يلي قبل كنت آنا بقدمو لالن بكل محبه , ومابقا يحسو آنو جهودن وتعبن رح بيروحو سدى !!

مع آني مابطيق النكد والكآبه وجو الدراما ,,, بس مجبوره آعترف آنو
كلمره بفوت ع كوكبنا الاول (منتدايا السابق) رح يجيني مشاعر الوحشه والحسره
بدال مايفرح قلبي ,,, ينسد وعم حس بخنقه ,,, بعدني ماآستوعبت آنو كوكبنا الجميل المزدهر
صارت صحاري ومدن شبه مهجوره (متل سلسلتي تبع الاطلال الساحره) !!
بصراحه شعور تقيل ع القلب والروح وآحساس قاتل ,,, وعم يتكرر كلمره بزياراتي

وآكتر شي عم يقهرني ,,, وقت بفوت لمدونتي الجميله هونيك وبلاقي الزوار مجتمعين فيه
ومن كل قلبي بتمنى اني احضنن وآعتذر منن ,,, لآنو بطل فيا الرغبه والحماس آني آقدم مواضيع جديده هونيك ,,, وبس الله بيعلم بقدر آقدم كم روائع من الطبيعه وكم فقرات حكايا وآلبوم
وكم صفحات تاتيانيه مشرقه بمدونتي (عالم الخيال) ... وبعدو رح آوقف !!

لهيك بدي آطلب من كل رواد هالصرح الجميل ,,, يلي بعترو بيتي التاني وكتير بحبو
آنن شو ماصار يكونو متمسكين بهالمنتدى ومتفاهمين مع البعض ومع الاداره
حتى (الف بعد الشر) مايخسرو هالنعمه الكبيره وماينهار هالبيت العمران
,,, خاصتا بعد جهود ودعم وحمايه السيد المدير العام لالو (بارك الله فيه وفي كل الاعضاء)

عكس آداره كوكبنا الاول (منتدايا السابق) ,,, يلي تركونا باول عاصفه ,,,
وتركو المنتدى مندون لا قائد و لا قبطان ولا رئيس ولا آداره :eh_s(5): ,,, ولحديت هلاء ضلينا نحنا آعضاء اوفياء لالو ,,, وبعدنا عم نحاول نرجع لالو النبض والروح ,,, لحتى يعيش لآخر نفس !!
بس مابعرف لحد آيمتا فينا نحاول آنعاشو ولحد آيمتا رح يصبر !!

مسالورد ياحلويين ,,, يارب تكونو بخير وسعاده
نحنا اجتنا موجه برد وصقيع فجائي مع آمطار غزيره
وفي منطقه (رانيه) قريبه مننا طلت التلوج
هلاء آهم شي هالجو آحسن مليار مره من الحر
ولو بايدي كنت بدعي موجه هالبرد يستمر لبعد شهر رمضان الكريم
ويــارب دخيلك آميـــن

وعندي خبريه حلوه ,,, كتر خير الله وصل وزني لــــ 63 كيلو ,,, بعد ماكان 65
بصراحه كتير مبسوطه آني رجعت وزني الاصلي والمثالي
ويمكن الرقم الـــ 63 بيتهيئلنا آنو كبير مقارنتا مع عمري ,,, بس منو هيك آبدا
لآنو طولي الـــ (174)سم ,,, وهالوزن حسب المعايير العالميه بيعتبر بقا مثالي

وع هيئه الشكل ... بشكر الله هلاء كتير رشيقه ولابقلي كل الستايلات
وحتا قبل مع ال 65 كيلو كنت بظهر رشيقه ,,, بس لآني شوي عريضه الاكتاف (متل السَبَاحات)
لهيك كنت حاسسه حالي ضخمه ومبحب الضخامه للبنت قد مابحب الرقه والرشاقه
,,, ولآني عطول معوده ظلني رشيقه ,,, لهيك باذن الله رح حاول بقا آحافظ ع هالوزن