04-26-19, 01:56 AM
|
#333 |
| آنثــى من عــالـــم الخيـــال | | | | | | | | | | | | | | | | الهوايه » السفر بين عالم المعرفه وروائع الطبيعه | | | | | | | | | | 
d تـــراتـيــــل مخمـليــــه ≃ التـــــاسعــــه ≃ اللاعــــب الكــــوري c
قبل آكتر من 3 سنين رحنا بسفريه عائليه لشمال طهران ( منطقه chaloos)
سائبت تكون بفصل الخريف يلي بعشقو ، والمنطقه كانت سياحيه واكتر من رائعه باشجارا الملونه وغاباتا وشلالاتا !!
مع آنو هديك السفره كانت مليانه بآحداث شيقه وقصص حلويين ,,, وصادفنا آشخاص كتار ,من مختلف البلدان ,,,
بس في شخص غريب صادفتو ... بعدني عم آتذكرو !!
من كننا راجعين للاوتيل وفي الرسيبشن ، كانت في امرأة عربيه طلبت مني اترجملا ، وبذات الوقت كنت بحكي فارسي مع المسؤول عن توزيع الغرف حتى آوصللو طلب المرأة , ف شوي تاخرت عن اهلي وكانت اختي الزغيره معي
وقت كنت بترجم مكنت بشوف من بعيد ،،، في حدا واقف بصمت وعم يتابع باندهاش !!
بس خلصت الترجمه برمت لورا وفجاتا لقيت شب متل النخله واقف قدامي ,,, وهو بقمه الذهول وعم يبتسم قلت لحالي يجوز هيدا كمان بدوياني ترجملو !!
فقلي excuse me !! حضرتك بتعرفي عربي !!
انا ؛ اي بعريف
هو ؛ غريبه آنتي عربيه ؟؟ بس مابتشبهين العرب ؟
انا ؛ لاء , انا مني عربيه
هو ؛ لكان انتي فارسيه
انا ؛ كمان مش فارسيه
هو ؛ اكيد اوروبيه من شكلك وكمان شفتك بتحكي انجليزي
انا ؛ اي بحكي انجلش بس كمان مني اوروبيه
هو وقف بذهول اعمق وقال ؛ ياربي طب انتي من وين ؟!!
انا ؛ انا كورديه !!
هو بآندهاش اكتر ؛ كورديه يعني شو ؟!
انا ؛ يعني عايشه ببلد الآكراد ومن اهل كوردستان
هو ؛ طب وين كوردستان ؟!
انا ؛ للاسف مقسومه بين 8 بلدان
هو ؛ انتي من اي قسم
انا ؛ كوردستان العراق
هو واخيرا اتنهد وبرقو عيونو وقال ؛ اها هلا عرفت انتي من وين ؟!!
عراق يلي فيه حروب ومخاطر
انا ؛ بس نحنا كتر خير الله بكوردستان في امان والحياه بابهى شكل
هو ؛ بتمنى اني زور كوردستان
انا ؛ اهلين وسهلين فيك
هو ؛ كتير مسرور وتشرفت اني تعرفت عليكي , هيدي اول مرة اسمع عن الكورد
بس انتي شكلك اكتر اوروبي
بالحقيقه بقا مابلوم هالشب اذا ضاع ومعرف بنتمي لوين ؟!
(لانو شكلي الحقيقي خليط بين الفارسيه 30% واليونانيه 50% وشوي لبناني 20% )
هو ؛ بتعرفي انا نص كوري ونص برازيلي
انا ؛ عنجد كومبيناسيون غريب ، اكيد مامتك برازيليه
هو ؛ برافو عليكي كيف بقا عرفتي ؟
انا ؛ لانك طويل القامه ، والطول بالعاده بيجي من الام
هو ؛ بالفعل امي طويله
(اسم الله كان طولو اكتر من مترين وشكلو كوري ببشرة سمرا وجسم رياضي بامتياز )
ومع آني آنا كمان طويله القامه بس هوى غطى عليى !!
وع فكره كنت حاطه ربطه سميكه وسودا ع شعراتي ,,, ولابسه كتير محتشم (لآنو هيدا قوانين آيران)
وياسبحان الله لاحظت وقت هالشب كان بيحكي معي كان ناقصو جناحات لــــــ يطير ( من كتر فرحتو وسعادتو وهوي بيتعرف عليي)!!
وانا استغربت لشو كان هلقد منبهر بشوفتي ومبسوط للحكي معي ؟!!
وكأنو عم يشوف angel قدامو !!...
آو انو لقى جوهره نادره آو آميره آحلامو !!
آو معقول يكون كيمياء الحب جذبو لالي !!
مبعريف شو قصتو ,,, بس يلي بعرفو آنو الابتسامه مكان عم يفارق وشو ولما بيتطلع فيى ... عيونو كانو عم يشعشعو
بصراحه هولى الاشيا يلي لفتوني بهالشب , وهني السبب يلي آوقات عم يجي ببالي وعم آتذكرو !! ... مش الشب بحد ذاتو !!
وحوارنا بزبط كآنو كان حوار مسلسل كوري ,,, وآول لقاء بين البطل والبطله !!
هو ؛ بتعرفي نحنا عننا بيتين بكوريا والبرازيل
انا ؛ اي هيدا شي سبيسيال ؟!! خاصتا انتا منتمي لحضارات وبلدان كتير مختلفه !!
هو ؛ مزبوط هالشي ، بس نحنا اكتر شي عايشين بكوريا والاقرب لالنا يعني آنا اسيوي متلك ... وضحك !!
انا ؛ ضحكت وقلت اي صحيح
هو ؛ ع فكره انا لاعب كرة سلة في الفريق الوطني الكوري
انا ؛ بالتوفيق لالك
هو ؛ نحنا هلاء اجينا ت نلعب مع منتخب ايران ؟!! وحابب اعزمك ع المباراه
انا ؛ شكرا كلك ذوق ، بس مابقدر
هو ؛ ليش ؟؟؟!!!!!
انا ؛ لان لازم نرجع لطهران ومنو لكوردستان
هو ؛ من سوء حظي ، طب انتي جايه مع اهلك
انا ؛ اي آكيد زيارة عائليه سياحيه
هو ؛ بتمنى تجي تزورينا في الكوريا والبرازيل
وهو عم يحكي طلع موبايلو ، وانا بقا عرفت انو اكيد رح يطلب اسمي ورقمي
{ وآنا من الاشخاص يلي عندي limit لكلشي }
ف محبيت تتطور القصه بقا وهون دغري قلتلو ؛
بعد اذنك هلاء لازم روح ، لان تاخرت واهلي من زمان فلو هلا رح ينشغل بالن عليى وع آختي
هو شوي حس بلا حراج وقلي ؛ آي معك حق , بشوفك بعدين
وانا ؛ اي نشالله مع السلامه
وكنت بقول لـــ حالي :- بتشوفني وين ... يمكن بس في الآحلام !!
ومن رحت للاصانصور بي ومامتي وخي الزغير واختي المجوزه وخالتي الزغيره قالولي لشو هالقد تاخرتي ؟
بي ضحك وقلي ، مين هيدا بتعرفيه ؟
وانا قلت : لا والله حتا مبعريف شو اسمو ؟!
بي ضحك وقال ؛ هيدا ع آساس مابتعرفيه هالقد طول معك بالحكي
طب كيف بقا اذا كنتي بتعرفيه ؟!!
والكل فطسو ضحك
واختي الزغيره كانت بتوشوشلي ؛ تــتيـانــا شو هالمعجب الولهان هيدا !!
كان دايب دوب اصلا مكان عم يحس بوجودي بيناتكن وكآني مزهريه محطوطه بينكن ,,, حرام عليكي ضيعتي الشب !!
وانا ضحكت ولا اراديا حسيت بخجل وصمتت !!
بعدين قلتلا : شو خصني آنا ... هوى يلي مسكني وقعد يرغي معي 
اختي الزغيره لحديت هلا من تجي سيره الكوريا او والبرازيل
تغمزلي وتقول ؛ معطيتي فرصه لمسيو شمشون  ... والا كننا بنشوف البلدين
خاصتا بسنه 2016 وقت اولمبياد ريو ,,, ووقت بتنعرض مباراه كرة السله المنتخب الكوري
بدا تعصبني وبتقلي :- خليني دور بين اللاعبين ,,, بركي بلقى صهرنا !!
... وهيك آنتهت آحدى فصـــول حياتـــي يلي دونتو بالكتابـــه 
✍....... a تـــاتــيـــانــــــا b |
|
|
|
 |
8556Likes
