| |||||||
| مشاهدة نتائج الإستطلاع: كم تدوني تقييم عليها .؟؟؟ | |||
| 100٪ |     | 12 | 60.00% |
| 90٪ |    | 1 | 5.00% |
| 80٪ |    | 4 | 20.00% |
| 60٪ |    | 3 | 15.00% |
| إستطلاع متعدد الإختيارات. المصوتون: 20. أنت لم تصوت في هذا الإستطلاع | |||
| موضوع مُغلق |
| | LinkBack | أدوات الموضوع | انواع عرض الموضوع |
03-02-19, 03:19 PM
| #37 | ||||||||||||||||||||||||||||||||||||||
   . SHEEM
| 
كلامك ع راسي والله اخوي غامض واشكرك من قلبي ع صراحتك والله بالعكس الصراحة م تزعلني اذا كان فيها ارشاد لمصلحتي مرورك وردك الراقي علي اسعدني جداً الله يسعدك اينما حللت .. كون بالقرب دوماً اختك / سمو المجد  | ||||||||||||||||||||||||||||||||||||||
•
ضَحِگتِـيً َفٍيًهُـآإ [ غٌ‘ـمٍوٍوٍضَ ] وٍدُمٍعُتِـيً َفٍيًهُـآإ [ غٌ‘ـرٍآبُـه ] • عُــــزلــــــــه | |||||||||||||||||||||||||||||||||||||||
|
03-09-19, 01:02 AM
| #38 | |||||||||||||||||
| . SHEEM
| بسم الله الرحمن الرحيم البارت الســآبع مدخل>> الحــياة دروس والـدنيا تـجـارب والبشر طلاب داخل مــدرستـها والليالي ماصفت فيها المشارب كيف تصفى والهمــوم مكـدرتها والبشر هذا الزمن مثل الxxxxب لو يدينك في مـخابــيك إلـدغـتها من أجمل قصائد الشاعر الكبير : أحمد البلادي : يابو سعود جا واحد يقول انك طالبوا. فيصل طالع ف بدر : شكلو حسام وصل ؟ مـــآ عرفت اسمه؟ زياد: حسام عبدالرحمن فيصل : خلو يدخل دخل بثبات وعينو تتفحص المكتب باللي فيه طالع ف بدر ورجع عينه ع فيصل وثبتها : السلام عليكم ردوا عليه السلام وهما يرسموا ابتسامه خفيفه فيصل : حي الله من جانا حسام بجمود : الله يحييك وقف بدر لمن حس ان حسام مو متقبل وجوده: طيب يابوسعود تامرني ع شي؟ فيصل وعينو ف عيون حسام ثابته : ابد سلامتك بدر وهو متعجب من هالثنائي الي قبال بعض : يسلمك، لا احتجت شي عطني اتصال فيصل بدون م يبعد عينه : ان شاءالله بدر يهز كتوفه " وربي حالهم مو طبيعي : فمان الله وخرج قافل الباب وراه حسام بدون اي تعابير : ايش كان شغل ابويه؟ فيصل م استغرب من سؤالو : بعدين بتعرف ان شاءالله حسام بصوت حاد غصباً عنو طلع: وانا ابغا اعرف الآان فيصل ببرود: صوتك لو سمحت لايعلى ، وقلت لك بعدين تعرف ؛ كل شي ف وقته حلو حسام بمثل برود فيصل : اجل لاصار الوقت الحلو عندك بلغني وقام لف طالع من الغرفه بدون أي كلمة زياده "والله شكل هالولد راسوا يابس ، بس مو انا فيصل الي استسلم من اول مرة ،،، بيننا الايام ي حسام " مسك الجوال واتصل ع احمد: ايوه احمد م جد جديد؟ احمد : لا والله للان ع نــ... فيصل استغرب صمتو : احمد ؟ معاي انت ؟ الو... رفع الجوال عن اذنو وشاف ان الاتصال مستمر !!! احمد : ااا ... يابو سعود شكلهم م بيعدوها ع خير فيصل وملامحه جمدت: ايش بيصير عندك ؟ احمد بعد صمت ثواني : ... في احدى المقاهي في باريس وتحديداً فرنسا، اختار مكان جنب الشباك بحيث يشوف المارة ويتأمل سقوط المطر وبيده كوب قهوة مُرٌه " ااايه ي دنيا لمتى بفضل مجهول هوية ؟ لمتى وانا أبحث عن نفسي الضايعه ! أشتاق لأشخاص معرف من هم..! ....." قطع عليه سرحانه صديقه واخوه وتوأم روحه بالنسبه له رغم قصر السنوات الي تعرف فيها عليه إلا انه أصبح له كل أهله و ناسو >>أحيانا الصداقه تولد ف غضون ثواني وماتموت ؛ بغمزة بعينو سألوا: ف إيش الحلو سرحان ؟ طالع فيه بنظرات مالها أي معنى: هلا خالد خالد : تؤ تؤ تؤ م اتفقنا ع كده .. قول لي إيش فيك أمس كنت معايا زي العسل :والله مافيه شي ياخي ليه انت نشبه؟ خالد: أفا ياذا العلم ..! أنا دحين نشبه؟؟ مقبولة منك يالحبيب ، والله لو كنت منت اخوي كان توطيت ببطنك يادب : دي الرشاقه والأناقه مو ماليه علينك ؟ ومخليني دب بعد ! لحوول خالد : ايه دب وبتظل ف عيني أحلى دب عندك مانع بعد،؟؟ التزم الصمت قدام خويه الخبل "والله مامنك رجا تعقل ي خويلد من عرفتك والضحكة م تفارقك ااخ ياخوي عسى الله يمحي هالهم من صدري ، وبدا يداهمه صداع خفيف وتمر عليه خيالات أشخاص م يعرفهم "فارس حبيبيي لاتتأخر ع أختك " "فروووسي ي عين أختك انت والله أحبك " .... قطع تفكيره بسؤاله المفاجىء : مين فارس؟؟ طالع فيه خالد بعد م كان يتأمل ملامحه المتألمه : ياخوي أهد ايش صاير معاك ؟ : مين فاروس؟؟ خالد محتار والله شكلوا بدا يسترجع الذاكره وفضل الصمت لأنو محتار ، هو يبغا يساعده وخاف انو لو قال اي معلومة غلط بتأثر عليه سلبياً وصل فيها للمكان المطلوب وقف السيارة وفضل يتأمل فيها وهي نايمه م حب يصحيها ويزعجها "والله مدري وش بتكون ردة فعلك ي شيمي  "حسّت بهدوء والسياره واقفه جلست دقايق مقفله عيونها وبدت ترمش كم مرة ورى بعض عشان تستوعب الي تشوفوا لفت بسرعه ع جهة أخوها : سلطاااااااااان ..!!! ايييش هاااادا ؟؟ ضحك من قلب ع خبالها : ياختي فجعتيني بصرختك وفقعتي طبلتي تراني جنبك ،، شيمي : دحين اديني ككف بسررعه سلطان باستغراب من خبالها: عيدي ايش قلتي ؟؟؟ شيمي: بسرعه اديني ككف عشان اصدق إني صاحيه سلطان باسها ع خدها بهدوء ورجع مكانو شيمي بعد وقت : انا دحين قلت كف ولا بوسه؟؟ سلطان بضحكة غصب طلعت منو : هههههههههههههه ، وان سألوني ليه الشيب مالي راسي بقول من خبال أختي ..! شيمي : لا ي شيخ لا ي شيخ ، خلاص اسفين ي .. ايش وظيفتك انت؟؟ سلطان م زال مبتسم : م راح اقولك شيمي : عادي لاتقول من زينها يوم تقول عنها المهم لبسك الجيشي المعفن الي يجيب لي الكآبه والهم والمسدس م يخليني انام لو شفتو اعوذ بالله سلطان حس فيها "للان ي اختي م نسيتي ؟ اااخ بس وقطع سلسة أفكاره الي توديه للماضي وقال بابتسامه جذابه : ودحين ي اختي الحلوة منتي ناويه تنزلي؟ شيمي رجعت تتأمل البرج من الشباك وقالت بصوت اقرب للهمس وبغصه : سلطان أحبك ياخويه سلطان : وانا احبك ي روح اخوكي ، يلا خلنا ننزل نغير جو فتح الباب ونزل ولمحها جايه من ورى السياره شبكت يدو بيدها ومشيوا ... ف عز الظلام والمكيف مرفوع اعلى درجة كانت غاطسة ف لحافها ومتكرفسه <<والله مدري وش معناها بس انها داخله ع بعض من اليرد 😂😂 سمعت نغمة جوالها واستغربت مين يتصل عليا دحين؟ مسكتوا وهي فاتحه عين ومقفله التانيه شافت رقم مو مسجل "غريبة من يكون ي ربي ؟ لا والساعه 2الفجر دحين الله يستر وبدت الأفكار تروح فيها وتجي ياربي مو عارفه ايش اسوي المشكلة حسام منبه علي م ارد ع اي رقم غريب بس اخاف يكون صاير شي كايد خلني ارد بس و على آخر رنة فتحت الخط في الجهة التانيه " خلاص مافي امل ترد عليكي ي بت ايش بيدريها برقمي يارب ردي ي عهد ردي شالت الجوال من اذنها وجات بتقفل بس لمحت الثواني الي تمر ع طول رجعت الجوال وبحب دفين ف قلبها : الو عهد ...أنا ريم في الجهة المقابلة شكلوا لعب بزوره بس وصلها صوت رفيقتها الحبيب معقولة ريم ؟؟ كيف : رييم؟؟ ريم : إيوه ي عهد عهد : كيف جبتي رقمي والجوال حق مين ؟ فينك انتي ! مرة ابوكي لاتصيدك ريمم وربي اخاف عليك منها ريم ضحكت ضحكة غابت عنها من زماااان : اااخ ي عهد لاتطمني لا مرة ابوي ولا ابوي حتى انا هربت من البيت ..سمعت صوت شهقه صدرت من عهد : ي مجنونة ايش تقولي انتي ريم : والله كده سويت عهد كيف كيف هربتي بالله ؟ وربي مغامرة اكشن وفينك دحين؟ ريم : صار شي م حسبت حسابو ، أخوي بدر جا وانا توي خارجة ولحقني وقلت له م ابغا ارجع البيت فحجز لي شقه وجاب لي جوال ومن يومتها م جا عهد باستغراب من اخوها ليه طاوعها بس م حبت تبين شي : لا ضروري اجيكي اجل واخد شوي من علومك وحشتيني ي دب والله ريم بغصة : وانتي وحشتيني عهد عهد حست بتغير نبرة صوتها ف حبت تغير الموضوع : اجل جوال من ورانا وحركات ، إلا م قلتي لي ايش جوالك؟ ريم : ايفون 8 عهد بشهقه : اههههىء ي ظالمة أنا افحط بجوالي 6s وحسام مو راضي يجيب لي جديد الله لنا ريم : ههههههههه ي شيخه احمدي ربك اهم شي جوال والسلام عهد : اي والله المهم حملتي واتس؟ ريم : ايش دا كمان؟ عهد : دا الي قلتلك نتواصل بالنت بس رسايل ريم : ايش اسمو طيب عشان احملو .... واستمروا .... عند مقر التسليم بين العصابه وابو فهد الأجواء بدت تتوتر وحاس نفسو انخنق من الروايح الكريهه المحيطة به نايف : وش تبي ي ابراهيم المبلغ ووصلك اتركني ف حال سبيلي .. "ابراهيم الوافي رجل أعمال ولو مكانتو ف سوق العمل بنعرف بعدين الباقي عنه" <<الاسماء ليس لها أي صله بالواقع فماهي إلا محض من الخيال .. ابراهيم بضحكة خبيثة : هههههاي اتركك ي حبيبي ؟؟ انت دخلت الطريق الي مالو نهاية ، من فين جبت المبلغ؟ نايف بصدمة : ايش قصدك بمالوا نهاية؟؟ ابراهيم ببرود يقتل : جاوب اول من فين دبرت المبلغ أنا ادري ان عملك لو تشتغل سنتين قدام م خديت نص هالمبلغ .. نايف بعصبيه : وانت ايش تبغا مني ؟؟ المبلغ ووصلك مـــآ اتووقع يههمك تعرف من فيين لي المبلغ ..! ابراهيم اشر بعينه ع احد الحراس الموجودين تقدم الحارس لابو نايف ولف يدينه للخلف وثبتها ابراهيم بهدوء : صوتك لا يعلى يانايف ولا تحب اقولك يابو فهد ههه نايف حس بنبض قلبوا يزيد والعرق يتصبب ف وجهو تابع بنفس الهدوء : من فين جبت المبلغ ي بو فهد ؟ واخر مرة باعيد السؤال عليك نايف بثبات يارب ساعدني يارب : من ميراث الوالد . ضحك ضحكة صاخبه وانتشر صوتوا ف انحاء الغرفة : اجل تقول من ميراث الوالد ؟ ههههههههه والله وطلعت تعرف تنكت يانايف غمض عينه بهدوء "اهد ي نايف اهد بس يبا يرفع لك ضغطك " : ابراهيم التزمت باتفاقيتي وسلمتك الي تبغاه ولوحدي كمان . ايش تبا تاني؟ خررررجني من هنا والي بيننا انتههى . طالع فيه ابراهيم بغموض : اجل جاي لحالك تقول؟؟ والحراسة الي وراك ايش تسميها؟؟ نايف انا مستحيل اثق بظلي تباني أثق فيك؟؟ نايف بصدمة عن أي حراسه يتكلم دا؟؟ أنا متأكد جاي وحدي ، الله يستر . : لآخر مرة من ساعدك ف المبلغ ؟ نايف : وانت وش تبي توصل له؟ ابراهيم : لكمه ع وجهه وبعصبيه : مااالك دخخل جااوب وانكتم بسرعه . نايف : م عندي رد غير ردي ابراهيم : اجل انت الي جنيت ع نفسك وش تبي قبل موتك؟ نايف : باكلم عيالي .. ابراهيم رغم الموقف ونبرة الحنان الي تكلم فيها نايف لمن جاب سيرة عياله إلا انه م حرك من مشاعره شي ... اشر للحارس الي معاه اغراض ابو فهد . جا وعطاه الجوال واتصل ع "عيالي دنيتي"... .......... كانت بترتاح شويات بس وتقوم ترتب كانت ناوية تعزم عهد ويغيروا جو مع بعض ف البيت . حست بضيقة ف قلبها صارت تتقلب يمين ويسار بس عجزت تنام قامت توضت وفرشت سجادتها وكبرت صلت ركعتين وفي السجده الأخيرة حست بغصه ف قلبها "صلت ع الرسول ودعت يارب يارحمن يارب ي رحيم احفظ لي ابوي واخوي يارب يارب احفظهم واحميهم بعينك إلي م تنام يارب .... وتحشرج صوتها من دموعها الي ابت إلا ان تتمرد ." من لنا غيرك يارب إن عصفت بنا الآلام ، من لنا غيرك يارحمن إن ضاقت بنا الدنيا بما رحبت ، مالنا ملجأ منك إلآ إليك . ختمت صلاتها وجلست ع سجادتها تقرا الي تحفظ من ايآت القران تهدي نفسها ... ( وَقَالَ لَهُمْ نِبِيّهُمْ إِنّ آيَةَ مُلْكِهِ أَن يَأْتِيَكُمُ التّابُوتُ فِيهِ سَكِينَةٌ مّن رّبّكُمْ وَبَقِيّةٌ مّمّا تَرَكَ آلُ مُوسَىَ وَآلُ هَارُونَ تَحْمِلُهُ الْمَلآئِكَةُ إِنّ فِي ذَلِكَ لاَيَةً لّكُمْ إِن كُنْتُـم مّؤْمِنِينَ) هدت شويا وكملت ... ( هُوَ الّذِيَ أَنزَلَ السّكِينَةَ فِي قُلُوبِ الْمُؤْمِنِينَ لِيَزْدَادُوَاْ إِيمَاناً مّعَ إِيمَانِهِمْ وَلِلّهِ جُنُودُ السّمَاوَاتِ وَالأرْضِ وَكَانَ اللّهُ عَلِيماً حَكِيماً ) كررتها ثلاث مرات وقامت مسكت جوالها تتصل ع أبوها الي غايب كم يوم عن البيت لكن كل يوم يتصل عليهم ويتطمن ، أبوها بالنسبه لها ولاخوها كل حياتهم لقت جوالها ينور بأسم "كل دنيتي " ابتسمت بحنين يااه ي ابوي كأنك حاس فيني وردت جاها صوت ابوها : السلام عليكم منال : وعليكم السلام ، يبه كيف حالك وحشتنا والله حس بغصة قهر كان وده يمسك سلاح ويفرغوا ف راس عديم الرحمة الي واقف قدامو وبصوت حاول قد م يقدر جاهد يخليه متوازن إلا ان نبرة الحنين غلبت : وانتو يابوي وحشتوني أكتر ، طمنيني عنك وعن فهد . منال ونبرة أبوها خلت الدموع تنزل غصب: بخير يابوي بخير متى ناوي تجينا ؟ وقالت بشوي مرح :لو جيت باحبسك ف البيت ومابخليك تخرج شهر م بنشبع منك والله "ليه ي منال كده ليه يارب احميهم "وضحك بمجاملة: هههه يابوك الله يحفظك انتي واخوك ويحميكم ، منول ي بنتي انتبهي ع نفسك انتي وفهد ...وبتر باقي كلامو م يبغا يسبب حزن لعيالوا. منال : لاتخاف علينا بس انت ارجع واحنا تمام نكون ابوفهد: ان شاءالله ، يلا ي بنتي استودعتكم الله الذي لاتضيع ودائعه . عمك بوسعود رقمو عندك صح سلمي لي عليه وقفل الخط سريع " يارب تفهمي كلامي ي منال" منال باستغراب جات بترد إلا الخط فصل ، توقعت ان الرصيد خلص مين عمي بوسعود دا ؟ ولا اسلم لك عليه ي يبه؟؟ والله في شي صاير ومابيقول لي .. رجعت تتصل تاني عليه جاها ان الجوال مقفول ، بدأ القلق يتسرب لقلبها يارب يارب اسألك انك تحمي ابوي يارب ... بعد م خلص سحب منو الجوال ..وطالع ف حارس تاني واقف بعيد شوي جا الحارس وصوب المسدس قدام نايف ابراهيم .: يلا ي الأب الحنون باي باي هههههههههههههه نايف بهدوووء وهمس : أشهد أن لا إله إلا الله وأن محمد رسول الله .......... إِن يَقرُبُ المَوتُ مِنّي فَلَستُ أَكَرَهُ قُربَه وَذاكَ أَمنَعُ حِصنٍ يُصَبِّرُ القَبرَ دَربَه مَن يَلقَهُ لا يُراقَب خَطباً وَلا يَخشَ كُربَه كَأَنَّني رَبُّ إِبلٍ أَضحى يُمارِسُ جُربَه أَو ناشِطٌ يَتَبَغّى في مُقفَرِ الأَرضِ عِربَه وَإِن رُدِدتُ لِأَصلي دُفِنتُ في شَرِّ تُربَه "أبو العلاء المعري" احمد بعد صمت ثواني : بو سعود اتصل عليك شوي وقفل الخط فيصل استغرب أول مرة احمد يقفل ف وجهي يارب استر وقام متوتر خرج من مكتبو وف يده الجوال جا بيتصل ع بدر لكن لمحه واقف قدامو : بدر جيت وجابك الله بدر مستغرب من منظر فيصل : ايش صاير ي فصيل ؟ فيصل بدون أي تركيز : نايف نايف شكلوا بيروح نايف ي بدر أنا السبب انا بدر بخوف : اهدى اهدى ياخوي ، فهمني وش صاير طيب كلموك قاولا لك شي؟ فيصل : مدري مدري ي بدر باروح للمقر واشوف بنفسي بدر انصدم : اليش الي تروح للمقر بعقلك انت؟؟ اقول فيصل اتعوذ من الشيطان مو صاير شي ان شاءالله وبتقر عيننا بشوفه بو فهد . م عرف بدر هو يهدي نفسو بالكلمات ولا يهدي فيصل ، منظر فيصل لحالوا قلب كيانو ولخبطو "يارب سترك يارب " ماهي إلا ثواني وقطع الصمت نغمة جوال فيصل رد بدون م يشوف الاسم بنبره حزينة :يابو سعود لازم نرجع م عااد لنا أي داعي هنا فيصل بدون ملامح : احمد ايش صار يرحم اهلك طمني احمد بغصة والدموع متحجرة ف عينه لكن تبقى دمعه حبيسة . بو فهد ... فيصل حس أن الدنيا تلف فيه :ايش فييه يا احمد احمد بنفس نبرة الحزن الي كاسيه صوتو: طالبك الحل..... م قدر يتكلم ولا يقول أي حرف جلس ف أقرب كرسي له بدر الي متابع المشهد من بدايته حس ان الموضوع اكبر مما كان يتوقع اول مرة أشوف فيصل منهار كده بعد زمن طووويل راح سحب الجوال من فيصل وحطو ف اذنو : ايوه ي احمد احمد وحس انو بذل جهد كبير ف نقل الخبر : بو فهد طالبكم الحل بدر بصدمة م قدر ينطق أي شي غير : إنا لله وإنا إليه لراجعون نزل الجوال ف جيبه بعد م قفل أحمد وجلس جنب فيصل حط يده ع كتفو يواسيه او يواسي حالو " بدت ذاكرتوا تسترجع مواقف بينو وبين نايف ... الله يرررحمك ي نايف الله يرحمك يابوي ، إيه كنت أبوي واخوي ، هين ي ابراهيم هين وعد علي لا أسلمك قصاص بنفسي " بعد فترة مرّت مـــآ دار بينهم غير الصمت بدر بهدوء وعينو محجرة فيها الدموع : بو سعود رفع راسو من بين يدو وملامحو رجعتو كانو طفل فاقد شي ثمين من اشياءه وبهمس مميت : مات ي بدر ؟ صدق مات؟ بدر والغصه ذابحتوا اااه ي ربي ساعدنا والهمنا الصبر : لاحول ولا قوة إلا بالله ، ادعليوا ياخوي بالرحمة فيصل ودمعه خاينه هربت من عينو اليمين : أنا السبب متأكد أنا السبب ااااه يارب سامحني ، سامحني ي نايف ي خوي سامحني كنت احسب اني قادر اساعدك منهم ... بدر بهدوء : فيصل هذا قضاء ربك ياخوك لاتقول إنت السبب إنت حاولت تحميه بالي تقدر عليه ...وسكت مو عارف إيش يقول فاجعتهم جات أليمه فيصل بنفس الصوت : بدر تدري انو وصاني ع عياله قبل لايوصلهم؟ كأنه كان حاس بقرب يومو..! م عرف ايش يرد عليه فالتزم الصمت .................. بعد فترة كانو يمشوا بين مولات وكافيهات طالعت ف اخوها : م تعبت من المشي؟ رد عليها بهدوء وهو يحس باختناق غريب وصوتو مبحوح : إلا والله تعبت بس لاجل عين تكرم مدينة كم .. وماقدر يكمل حس ان الأكسجين منتهي م يقدر يتنفس وقفت عن المشي لمن سمعت نبرة صوتو وطالعت أخوها شافت وجهوا غريب قالب ع احمر خافت وراحت : سلطاان اشبك ؟؟ طالع فيها وهو م زال مخنوق : و .. ولااشــ.. ـي امتلت عيونها دموع ياربي احفظلي هو يارب : سلطان الله يخليك تحمل دقيقه بس وراحت جري ع اقرب كوفي تجيب موية اول م فتحت الباب انصدمت بشخص ... بدون م ترفع راسها او تطالع : اسفه اسفه وكلمت طريقها سريع ..... ف نفس الكوفي الي دخلتوا .. كل واحد سارح بفكروا لمكان "لمتى بتفضل مغترب ..! م اشتقت للوطن . م اشتقت لارضك ؟ لأهلك.؟ حقًا لا يعلم مرارة الغُربة إلا مُتجرعها ... ولا تدري النفوس التي لم تحياها أن الحياة بقُرب الأحبة هى أرض الله الواسعة حقا .. فبعيدًا عنهم حياة الجسد المرفه .. ولكن بلا روح... قطع عليه حوارو مع نفسوا صوت راكان : خالد طالع فيه : لبيه راكان: لبيت حاج ، بسألك دحين انا فاقد الذاكره كم لي؟ خالد : وش جاب السؤال ع بالك؟ راكان : ابغا اعرف بس . خالد ع حسب قول دكتورك انك حتكون ناسي احداث السنوات الخمس الاخيرة تقريبا لكن حتفتكر م قبل عام 2012 راكان بدون اي ردة فعل تنهد " ي الله ساعدني ي الله " خالد : ركون حبيبي ترى لو شديت حيلك وتابعت مع الدكتور بإذن الله بتسترجع كامل ذاكرتك بس انت الله يهديك منت راضي تعقل وتنتظم ع مواعيدك راكان بعصبيه: ايش دكتور وما ذكتور ي شيخ احس اني قاعد حقل تجارب ف يد بزر اصغر مني . خالد بضحكة : هههههههه الله يقلع شياطينك ي شيخ دحين شايف نفسك حقل تجارب ؟ اقول اخزي ابليسك وارجع انتظم وصدقني بترتاح لو بشي بسيط ... تنهد وبعد فترة : ربك يعين ياخوي .. قام خالد حط مبلغ ع الطوالة وقال : يلا امشي نلفلف شوي ف الشوارع .. راكان بهدوء: مالي نفس روح انت وانا بروح ع الشقه .. خالد : ااوك اجل نتقابل هناك ان شاءالله ولف خارج جا يفتح الباب وعينو ف جوالوا لكن صدمم ف احد رفع راسوا بيهزأ لكن واضح انها مستعجلة : اسفه اسفه " ي شيخ الصوت سمعتوا قبل كده!! " طالع فيها وهي مديتو ظهرها وماشيه ،شكلي مشبه بس وخرج ... ...................... مخرج>>> "عندما لا يدرك أحدٌ حجم توجّعك، ولا يعلم أحد قدر خوفك وحزنك وغصّتك، طبطبْ على قلبك ورتّلْ عليه: "أَوَلَيْسَ اللَّهُ بِأَعْلَم بما فِي صُدُورِ الْعَالَمِين" ، وتذكر دائمًا. أن الله لقلبك، الله لأوجاعك، الله دائماً إلى جوارك، الله طبيبك وحبيبك ورفيقك الدائم، وكل ما سِواه عدم ❤ ................ انتهـــى الفصـــل أتَمنٍى- يٌنال… عّلى' اعــــجاٍبكـم} واّلقاٌدٓم< أجـمِـــل: بٍإذن اُللٗه* ارِاكـم؛ تًه٘مـــــنــــيʼ وتعل٘يُقٓاتًكــــم؟ بٗعد\ أتمِنْى› لۤكِم‘ قٓراءۤة¨ ممتٍعُة و< انــتظْر« تعليقاْتـــــكٍم' بٗشوّق تۤحياااۤاٌاًاتــي› سمو المجد^_^ | |||||||||||||||||
|
•
ضَحِگتِـيً َفٍيًهُـآإ [ غٌ‘ـمٍوٍوٍضَ ] وٍدُمٍعُتِـيً َفٍيًهُـآإ [ غٌ‘ـرٍآبُـه ] • عُــــزلــــــــه |
|
03-09-19, 01:26 AM
| #39 | ||||||||||
  
|
ياسلام عليك هالبارات خطييير والاحداث حماااس مبدعه ولاهو غريب الابداااع يعطيك الف عافيه دمتي بسعاده <<<لي عوده لتقييم | ||||||||||
| |
|
03-09-19, 03:31 PM
| #40 | ||||||||||||
  العراب الأخير
|
ما شاء الله ربي يحفظك على الابداع الفني كتابتك تؤهلك تكتبي في تأليف مسلسلات مع شركات اعلاميه وخاصتا فيها ملحمة اجتماعية والاعلام يتطلب التشويق والبروز الفانتازيا والمشاهد الاترادجيه واصلي يا انيقه | ||||||||||||
| |
|
04-04-19, 01:06 PM
| #41 | |||||||||||||||||
| . SHEEM
|
جنوون مرورك سعاده ي اختي وكلامك سعاده عسى ربي يسعدك دوووم شطرنج اشكر لك اثرائك اخي دا من ذوقك والله الله يسعدك فين م تكون نورتوني والله وكونوا بالقرب (: | |||||||||||||||||
|
•
ضَحِگتِـيً َفٍيًهُـآإ [ غٌ‘ـمٍوٍوٍضَ ] وٍدُمٍعُتِـيً َفٍيًهُـآإ [ غٌ‘ـرٍآبُـه ] • عُــــزلــــــــه |
|
04-04-19, 01:08 PM
| #42 | |||||||||||||||||
| . SHEEM
| السلام عليكم ورحمة الله اول شي حابة اعتذر جد عن انقطاعي هالفترة عن الروايه بس ان شاءالله اليوم بانزل لكم البارت 8 و البارت 9 اتمنى يعجبوكم ويكونوا قد المقام ... | |||||||||||||||||
|
•
ضَحِگتِـيً َفٍيًهُـآإ [ غٌ‘ـمٍوٍوٍضَ ] وٍدُمٍعُتِـيً َفٍيًهُـآإ [ غٌ‘ـرٍآبُـه ] • عُــــزلــــــــه |
| موضوع مُغلق |
| مواقع النشر (المفضلة) |
| |
 | أصدقاء منتدى مسك الغلا | | |||||
