لحن الحياة ،
ما تدرين قد ايش انا مبسوطه بهالتصميم ،،
مرررره حبيته ،، خصوصاً قلبي الاحمر

شكراً قد السما

كل افكاري بتتأجل لبعد شهر و نص ،،
و الله يكتب لي الخير ، و ان كان ف الامر خيره الله يسهل امري ،،
و ان كان شر لي الله يصرفه عني ،،

الحمدلله واثقه بربي و تدبيره لأمورنا ،

اليوم كان عندي موعد فحوصات عشان ابي اسوي تصحيح النظر ،،
و ما اخفي عليكم اني لي اكثر من 3 سنين ابي اسويها بس الخوف يردني ،،
على قوة باسي الا اني اخاف من شيئين : الابره و اي شيء يخص العيون ،، تجيني قشعريرة خخخ
المهم و انا انتظر ف العياده ، و الحريم يسولفون ،، كل وحده تقول وش عندها ،،
جتك وحده خوفتني ، تقول ما تسوين و ما تسوين ،، و ما تقدرين تسجدين و من ذا الكلام ،،
عاد انا دوروني ما تلقوني خخخ ، قلت كيف ما اتروش و كيف ما اقدر اسجد
رمضان جاي و ابي اصلي التراويح ،،
قلت لا ماني مسويتها الا بعد رمضان ،،
المهم و ادخل على الدكتور و يجي يكشف على عيوني
قال لا ما نقدر نسويها الحين معك جفاف شديد ف العين ،، قلت طيب ما احس بشي خخخ
قال روحي الحين و خذي القطرة و سوي موعد بعد شهر
قلت زين جات من الله و لا اسويها ف رمضان خخخخ

بس الله يكتب لي خيرها و يكفيني شهرها ،، و ادعو لي اقلل من استخدام الجوال و الكمبيوتر

تدرون اليوم جالسه احاول ما أمسك الجوال ، بس فجأة يديني تروح له <- ادمان
الله يصلح الحال بس

عندما ينزف حرفي ،،
لا يستجدي عطف احد ،
و لا رحمتهم ، و لا عودتهم ،،
و لا حتى حبهم


فقط الحرف ينزف كما الجروح تماماً

أشكرك عزف ع الفن الجميل
من جد ابدعت ،

منّ الله علينا ،، بأن استقبلنا رمضان ،، بـ روح جديدة ، أمل جديد ،،
هدية من الله لنا : أن نتزود بالطاعات و أعمال الخير ،،
روحانية هذا الشهر ، تجبر النفوس أن تخضع لله وحده دون سواه

أحمدلله كل ساعة و كل دقيقة تمر ،،
و أسأل الله ، ان يتم علينا و عليكم نعمته ،، و لا يحرمنا كرمه ، و كرم هذا الشهر الكريم ،،


كل عام و انتم ب أحسن حال ، كل عام و الفرح يسكن قلوبكم ،،
و كل عام و احبابكم حولكم و قدام عيونكم