شفيني ،،
الناس صايمه و انا اغني ،،
مدري وش هالمزاج اعوذ بالله منك ي شيطان
تخيلو بس اسمع كلمه اجيب معها اغنيه خخخ
جتني وحده اسمها لولو ،، على طووول انا شبكت و غنيت ايام اللولو خخ

ايوه وش عندكم <- اصبري يجيك الكرف ينسيك وش اسمك خخخ
اي ما سألتكم ،، شرايكم ب فستاني <- تدور خخخ
حلوه الكرانيش صح
تدرون اني احب اللون الموف من اول ،، و كشخت بالموف الحين
انا لازم احط لي سكرتيرة <- فصلت خخخخ
السكرتيرة تشيل عني المطرقه اللي أقفل فيها المواضيع

<- لما ما اكون نايمه زين أسلاك مخي تفصل
ياربي متى ارجع البيت و اناااام <- تخيلو الفيس بدون كوب لاني صايمه
باقي ساعتين و نص

هناك دعوات تجول ف الخاطر ،،
يعجز اللسان عن ترجمتها ،،
لا نملك سوى ان نقول
يارب


ف الله يعلم مافي نفوسنا
و اعلم بالسرائر ،،
و الله ارحم علينا من اهلينا ووالدينا

يارب

تُسبب لي اختلال في نبضات القلب ،
انتظر يهدأ نبضي و نتحدث ،،

و يطول الانتظار

في مكان ما ، تقبع الذكريات الجميله ،،

زمان كنّا نجلس ع النت فتره محددة و نفصله ،، ما انسى ذاك الصوت اللي يفجر طبلة الاذن خخخ
لااا و الادهى و الامّر ، و المُحزن ،، اذا احد اتصل على البيت و الا امي رفعت السماعه فصلت النت علينا خخخ
و عندنا جهاز مكتبي واحد ،، و كنّا نتهاوش عليه ،، و نوزع الوقت بيننا ،،
يالله كان فيه صفحات زمان اول ما تفتحها تطلع لك موسيقى و قلوب تطير و حركات <- تكتب و هي مبتسمه خخ
مررره زمن جميل ،،

كنت مدمنه ع النت ،، من كثر ادماني حتى ايام الاختبارات ادخل ع النت ،، و لا اذاكر ،،
قامت صديقتي و علّمت اختي الكبيره علي ،، قالت انتبهي لنوره ترا ما تذاكر خخ
المهم قامت اختي و شالت سلك التلفون <- طبعاً لو شلنا سلك التلفون ما عاد يشبك النت
بس الحمدلله نجحت و تخرجت ،،

الحين صار النت مفتوح اربع و عشرين ساعه ،، حتى ف الجوالات نت ،،
اللي طرى السالفه ، ان الشبكه الحين فيها عطل و ما يشبك النت ،، بس انا شابكه على جوالي
يعني ما اثر علي انقطاع النت ،، زي زمان يوم يأثر علينا و ننقطع عن العالم ،،

و اقولكم سر ..!

ودي ترجع الايام زي زمااان ،، ما تعجبني هالايام ،،
و الناس اللي احبهم من كل قلبي ،، اللي تعبان و اللي ما عاد يعرفك ،، و اللي بعدتهم الايام
و الله احن لأيام زمان
احن للماضي الجميل ،،


امس اقول لأمي : ليه ما نستانس زي زمان ،، ليه ما نضحك زي زمان ،،
يزعجني اشوف امي حزينه

فاقدة اشياء كثير ، اشياء ما تتعوض ،،
بس عندي امل ان الايام الجايه حلوه ،، هي فتره و تعدي و نفرح


الحمدلله

اليوم يوم الذكريات الجميله <- تحوس في قوقل خخ