زمان كانت ذكرياتي تضيق خلقي ، تبكيني ،،
بس الحين لا ،،
بعد ما اقتنعت و ايقنت ،، انها ما راح ترجع ،، و لا ممكن نرجع لها ،،
خليتها قدام عيني رمز جميل ، ابتسم له ،، و ترتاح لها روحي ،
دعواتي لنفسي ما تضيع ، ربي ما يخلينا ،،


زمان : كنت ادعي لناس كلها الا انا انسى نفسي ،،
صح ربي ما ينساني ،، و صح يعلم باللي تخفيه نفسنا ،،
لكن لابد الانسان يدعي لنفسه ،،

سنيني الاخيره : صرت ابدأ بالدعاء لنفسي ،،
و بعدين احبابي و اللي يعزون علي ،،


و الله صرت احس براحه ،
تمر علينا لحظات نضعف و نضيق ،، لكن نتذكر ان الدنيا زايله ،،
و ما في شيء يستاهل نزعل عليه ،،


و رمضان يجيب الراحه من جد
روتينه جميل ،، كل شيء فيه حلو ،،
حتى جلستنا مع بعض حلوه ،،

تتذكر الناس الحلوه اللي مرت بحياتك و تدعي لهم ،،

ايام رمضان لا تفرطون فيها ، ابواب الخير قدامنا ،،
خلونا نفتحها باب باب ،، و كل باب احلي من الثاني ،،

،
،


امي جات ، بروح اتقهوى

كلما احسست بضيق ،
تنفس بعمق ،، و احمد الله ، انك على قيد الحياة ،،

هل الحُب يعثي بالقلب فساداً أم يزيده رونقاً و جمال ؟!







جيت ب ارد ع السؤال لقيت الوقت راح !
بعدين ارد على نفسي ، بروح اجهز للفطور و بعدين للمسجد

و من قال إن الحُب ذنب ،،
هو من يجعل من نبض القلب موسيقى " نادرة "
ذبذبات و إن غابت ، يسكن القلب صداها ،، و تبقى ترن ن ن ن ،،
مهما غاب و غبنا ، مهما شح و بخلنا
يبقى من اهدانا السعاده يوماً
و يُحيط بالقلب جمال رونقه ،،
لا تلوموا الحُب يوماً





سأبتسم لكل الذكريات السعيدة

صباحكم روقان و راحة بال ،،

من طبعي اني ما اهتم بنظرة الناس لي ،، نظرتي لنفسي اهم
و لا احب أبرر تصرفاتي ،، اللي برأسي اسويه ،، حتى لو نظرة الناس لي بتتغير ،،
ما ادري كذا صح و الا غلط ،،

انا ما راح اتغير و لا احد بيغيرني ،،
و ما دامنا بنموت ليه نتغير

اكره شيء يوم يوقف الكلام عند سطر معين ،،
تكتب و تتحمس ، و تحس انك عبرت عن اللي بخاطرك ،،
فجأه ، ينقطع حبل افكاري

يبي لي انام و احلم بالباقي <- تدورين النوم انتي خخ

على طاري الاحلام ،، لي فتره اذا نمت العصر ،، يجني حلم صغير يفجعني
يوم افكر فيه ما يخوف بس يفجعني و يقمزني من النوم،،

<- و الله من الفضاوه خخخ


ايه فاضيه و ادور سوالف اسولف فيها الين يأذن الظهر و تبداالسدحه الجماعيه خخ
بعد صلاة الظهر كل وحده تنسدح بشرشف الصلاة كنّا عجز خخخ

مره من المرات خلص وقت البريك ،، قلت يالله قومو ي عجز خخخ
انا قلتها مزحه ، بس شكلها وحده زعلت خخخ <- سوت وضعية امزح امزح خخخ

كلها دقايق و اتوكل ،، توصون بشيء ، سالفه شيء

تدرون ان عيوني من يوم حطيت القطره صارت تحرقني بزياده ،،
و عندي احساس ان الدكتور ما راح يرضى يسوي لي العمليه ،، <- من اللي تسوينه بنفسك والله

كل يوم اقول ابطل أمسك الجوال و لا ابطل ،،


يالله اذن ،، بروح اصلي و انسدح سدحة العجز خخخ